web counter
LEXO PA REKLAMA!

SHKARKO APP

App Store
Google Play

E fundit!

x

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

5 Qershor 2026, 09:40, Kronika CNA

“Jam kushëriri…”/ Skifteri i merr 60 mijë euro

Një kambist në Durrës ka humbur 60 mijë euro pasi është mashtruar përmes një skeme të organizuar, ku autori është prezantuar si i afërm i një biznesmeni të njohur.

Sipas të dhënave paraprake, një person i identifikuar si Florian Gjergji dyshohet se ka kontaktuar kambistin përmes mesazheve, duke u prezantuar si kushëriri i një biznesmeni me të cilin kishte njohje shoqërore.

Më pas, kambistit i është kërkuar shuma prej 60 mijë eurosh, të cilat i janë dorëzuar një personi të dërguar pranë një qendre tregtare, sipas udhëzimeve të dhëna nga komunikimi elektronik. Pas marrjes së parave, personi është larguar menjëherë nga vendngjarja.

Sipas raportimeve, paratë janë transportuar më pas drejt Elbasanit, ku dyshohet se janë dorëzuar te një tjetër person i përfshirë në skemë.

Policia ka identifikuar dhe shoqëruar dy persona të dyshuar për përfshirje në këtë rast, të cilët gjatë deklarimeve paraprake kanë pohuar se vepronin sipas udhëzimeve të dhëna nga organizatori i dyshuar.

Ngjarja është denoncuar nga vetë kambisti, i cili pasi ka dorëzuar shumën, ka kontaktuar mikun e tij dhe ka kuptuar se ishte mashtruar, pasi nuk kishte asnjë kërkesë reale për para.

Hetimet vijojnë për dokumentimin e plotë të rastit dhe për identifikimin e të gjithë personave të përfshirë në skemë./ CNA





Lajmet e fundit nga