web counter
LEXO PA REKLAMA!

SHKARKO APP

App Store
Google Play

E fundit!

x

Finalizohet operacioni policor/ Arrestohet shqiptari i shumëkërkuar nga drejtësia italiane

17 Shkurt 2025, 16:08, Kronika CNA

Finalizohet operacioni policor/ Arrestohet shqiptari i shumëkërkuar

Policia ka finalizuar një operacion policor në kryeqytet, që ka përfunduar me vënien e një shtetasi në pranga.

Nga operacioni i koduar “Operacionalja 28”, shtetasi i kërkuar ndërkombëtarisht u vu në pranga gjatë 24 orëve të fundit, nga Drejtoria e Forcës së Posaçme Operacionale.

Bëhet me dije se u lokalizua në Tiranë dhe u arrestua  provizorisht shtetasi i shpallur në kërkim ndërkombëtar Ilir Zotaj alias Zio Bushi, 44 vjeç, banues në Tiranë. 

 Ky shtetas dyshohet se ka qenë pjesë e një organizate kriminale dhe e ka qenë i dënuar me 5 vjet burgim, për veprat penale “Organizata kriminale” dhe “Trafikimi i narkotikëve” nga Gjykata e Apelit e Peruxhias në Itali.

Interpol Tirana po bashkëpunon me Interpol Romën, për të finalizuar procedurën e ekstradimit të këtij shtetasi në Itali.

“Në vijim të operacioneve të njëpasnjëshme për lokalizimin, kapjen dhe arrestimin e shtetasve të shpallur në kërkim ndërkombëtar, shërbimet e Drejtorisë së Forcës së Posaçme Operacionale  kanë organizuar dhe finalizuar një tjetër operacion, gjatë 24 orëve të fundit.  

Në kuadër të operacionit “Operacionalja 28”, u lokalizua në Tiranë dhe u arrestua  provizorisht shtetasi i shpallur në kërkim ndërkombëtar Ilir Zotaj alias Zio Bushi, 44 vjeç, banues në Tiranë.   

Gjykata e Apelit e Peruxhias, Itali, e ka dënuar këtë shtetas me 5 vjet, 6 muaj e 17 ditë burgim, për veprat penale “Organizata kriminale” dhe “Trafikimi i narkotikëve”, parashikuar nga Kodi Penal i Italisë.  

Ky shtetas dyshohet se ka qenë pjesë e një organizate kriminale që përbëhej nga shtetas shqiptarë, e cila ka organizuar dhe financuar trafikimin e lëndëve narkotike, kryesisht nga Belgjika në Itali.

 Gjatë periudhës dhjetor 2008 – mars 2010, janë sekuestruar rreth 10.4 kg lëndë narkotike kokainë e trafikuar nga kjo organizatë, në disa qytete të Italisë, në Belgjikë dhe në Shqipëri.   

Interpol Tirana po bashkëpunon me Interpol Romën, për të finalizuar procedurën e ekstradimit të këtij shtetasi, në Itali”, - thuhet në njoftimin e Policisë./CNA





Lajmet e fundit nga