web counter
LEXO PA REKLAMA!

SHKARKO APP

App Store
Google Play

Detaje nga dhunimi i të moshuarit/ Çfarë u gjet në banesë, dyshimet

8 Shkurt 2024, 08:54, Kronika CNA

Detaje nga dhunimi i të moshuarit/ Çfarë u gjet në

Detajet e para kanë dalë nga ngjarja në Korçë, ku është dhunuar një person i moshuar, i cili ndodhet në spital, në rrezik për jetën.

Blutë bëjnë me dije se i moshuari është identifikuar si 81-vjeçari me iniciale G. T.

Fillimisht u raportua se i moshuari mund të ishte dhunuar nga personat që i kishin hyrë në banesë për ta grabitur.

Por nga këqyrja ka rezultuar se dera e banesës nuk është e shqyer, duke ngritur dyshime se 80-vjeçari i njihte autorët dhe ia ka hapur vetë derën.

Në banesë janë gjetur pije alkoolike, çka sjell edhe dyshimet se mund të kenë qenë duke konsumuar alkool, dhe në gjendje të dehur mund të jenë konfliktuar.

Mendohet që dhe autori të jetë plagosur pasi ka ecur anës pallatit ngjitur, ku ka lënë gjurmë gjaku, por ende nuk është identifikuar. Gjendja e rëndë e të moshuarit e bën të pamundur marrjen e tij në pyetje.

“Më datë 08.02.2024, rreth orës 07:05, spitali i Korçës ka njoftuar sallën operative të DVP Korçë se ka shkuar për ndihmë mjekësore shtetasi G. T., rreth 81 vjeç, banues në lagjen nr. 15, Korçë.

Menjëherë në banesën e 81-vjeçarit ka shkuar grupi hetimor, i cili ka konstatuar se as dera e banesës dhe as dritaret e saj, nuk janë të dëmtuara. Nga këqyrja e banesës, si dhe nga sendet dhe provat e gjetura dyshohet se 81-vjeçari mund të jetë konfliktuar me ndonjë shtetas që e ka patur në banesë.

Grupi hetimor, në drejtimin e Prokurorisë, po punon për zbardhjen e rrethanave të dëmtimit të shtetasit dhe identifikimin e autorit të dyshuar pjesëmarrës në banesën e të dëmtuarit.

Për këtë ngjarje pas sqarimit të të gjitha rrethanave të mekanizmit dhe motiveve do të kemi një njoftim të plotë”, thuhet në njoftimin e policisë./ CNA





Lajmet e fundit nga