web counter
LEXO PA REKLAMA!

SHKARKO APP

App Store
Google Play

Zelensky: Shqyrtojmë mundësinë e krijimit të ushtrive private në Ukrainë

5 Qershor 2025, 15:42, Kosova & Bota CNA

Zelensky: Shqyrtojmë mundësinë e krijimit të ushtrive

Presidenti ukrainas Volodymyr Zelensky tha në një konferencë për shtyp se mund të shqyrtojë mundësinë e krijimit të ushtrive private në Ukrainë.

Komenti i tij erdhi si reagim ndaj njërës prej pikave në memorandumin e fundit rus, i cili i bën thirrje Ukrainës të eliminojë formacionet nacionaliste dhe kompanitë ushtarake private.

“Tani do të filloj të mendoj për këtë pas ultimatumeve të tilla”,- tha Zelensky.

Zelensky theksoi se Ukraina aktualisht nuk ka grupe të armatosura private sipas ligjit të saj, duke vënë në dukje se nëse po flasin për 'Azovin', është Garda Kombëtare e Ukrainës.

Ai e krahasoi strukturën ushtarake të Ukrainës me përdorimin nga Rusia të forcave private dhe grupeve mercenare si Ëagner, duke theksuar standardet e dyfishta.

"Ata (Rusia) kanë 'Ëagner' dhe kjo është e vërtetë. Ata e pranojnë këtë, ata pranojnë se kanë formacione ushtarake private që ne i shkatërruam",-tha Zelensky.

Sipas një dokumenti të dalë pas raundit të dytë të bisedimeve me Ukrainën, kërkesat e Rusisë përfshijnë gjithashtu statusin neutral të Ukrainës, një ndalim të ofertës së vendit për në NATO dhe veprime të tjera të mundshme ushtarake./CNA





Lajmet e fundit nga