web counter
LEXO PA REKLAMA!

SHKARKO APP

App Store
Google Play

Zelanda e Re miraton përdorimin mjekësor të kërpudhave halucinogjene

20 Qershor 2025, 17:40, Kosova & Bota CNA

Zelanda e Re miraton përdorimin mjekësor të kërpudhave

Zelanda e Re ka miratuar përdorimin e kufizuar mjekësor të psilocibinës, një halucinogjen që gjendet në kërpudha, për pacientët me depresion rezistent ndaj trajtimit.

David Seymour, ministri i shëndetësisë i Zelandës së Re, tha se rregullat janë zbutur për përdorimin e psilocibinës në vend për herë të parë, por vetëm një psikiatër me përvojë të lartë është lejuar ta përshkruajë atë tek pacientët.

Ai tha se politika e re është një "përparim i vërtetë" edhe pse ilaçi mbetet "një ilaç i pamiratuar".

“Psilocibina mbetet një ilaç i pamiratuar, por një psikiatri me përvojë të lartë i është dhënë autoriteti për ta përshkruar atë tek pacientët me depresion rezistent ndaj trajtimit”,-tha Seymour.

Psilocibina është një përbërës psikedelik natyral që gjendet në lloje të caktuara kërpudhash, të njohura zakonisht si "kërpudha magjike". Të gjetura në mbi 180 lloje, këto kërpudha kanë një histori të gjatë përdorimi në ritualet shpirtërore dhe shëruese indigjene në pjesë të Amerikës Qendrore dhe Jugore.

Studimet kanë zbuluar se 80 përqind e pacientëve që iu dha psilocibina përjetuan një rënie të ankthit dhe depresionit që zgjati për gjashtë muaj ose më shumë./CNA





Lajmet e fundit nga