web counter
LEXO PA REKLAMA!

SHKARKO APP

App Store
Google Play

E fundit!

x

Xi Jinping pret Lavrovin në Pekin, Rusia sinjalizon rritje të bashkëpunimit energjetik me Kinën

15 Prill 2026, 14:02, Kosova & Bota CNA

Xi Jinping pret Lavrovin në Pekin, Rusia sinjalizon rritje të

"Reuters"-Presidenti kinez Xi Jinping zhvilloi një takim me ministrin e Jashtëm rus Sergei Lavrov, i cili ndodhet në një vizitë dyditore në Kinë, në një moment kur marrëdhëniet mes dy vendeve vijojnë të thellohen.

Gjatë vizitës, Lavrov bëri të ditur se presidenti rus Vladimir Putin pritet të zhvillojë një vizitë zyrtare në Kinë brenda gjysmës së parë të vitit. Një samit mes dy liderëve parashikohet të konfirmojë më tej partneritetin strategjik dhe bashkëpunimin ekonomik, veçanërisht në fushën e energjisë.

Në fokus të bisedimeve ka qenë edhe projekti energjetik “Fuqia e Siberisë 2”, një gazsjellës i planifikuar që synon të rrisë furnizimet me gaz rus drejt Kinës. Sipas Lavrov-it, Rusia është e gatshme të kompensojë mungesat energjetike të Kinës dhe partnerëve të tjerë ndërkombëtarë, në një kohë kur marrëdhëniet energjetike me Europën janë në rënie.

Presidenti Xi theksoi rëndësinë e besimit reciprok dhe mbështetjes së ndërsjellë mes dy vendeve, duke nënvizuar se Pekini dhe Moska duhet të thellojnë bashkëpunimin dhe të mbrojnë interesat e përbashkëta në arenën ndërkombëtare.

Ndërkohë, Lavrov u ndal edhe te zhvillimet globale, duke deklaruar se Rusia do të vazhdojë furnizimin me naftë për Kubën dhe është e gatshme të ndihmojë vendet e prekura nga krizat energjetike. Ai gjithashtu theksoi se Moska do të mbështesë çdo vendim të Iranit lidhur me programin e tij bërthamor, për sa kohë respektohen normat ndërkombëtare.

Vizita e Lavrov-it në Pekin vjen në një periudhë të tensioneve gjeopolitike, ku bashkëpunimi Kinë-Rusi shihet si një faktor kyç në balancat globale./ CNA





Lajmet e fundit nga