web counter
LEXO PA REKLAMA!

SHKARKO APP

App Store
Google Play

E fundit!

x

Nis gjyq i ri për vdekjen e legjendës së futbollit argjentinas, Diego Maradona

14 Prill 2026, 20:19, Kosova & Bota CNA

Nis gjyq i ri për vdekjen e legjendës së futbollit argjentinas,

Një gjyq i ri ka nisur këtë të martë në San Isidro, pranë Buenos Aires, për vdekjen e legjendës argjentinase të futbollit Diego Maradona.

Gjyqi i ri do të përfshijë një proces në të cilin do të dëgjohen rreth 120 dëshmitarë dhe do të kërkohet përsëri të përcaktohet nëse ekipi mjekësor i Maradonës është përgjegjës për vdekjen e tij.

Legjenda e futbollit u nda nga jeta më 25 nëntor të vitit 2020 në moshën 60 vjeçare nga pamjaftueshmëria kardiake dhe edema akute pulmonare, dy javë pasi iu nënshtrua një operacioni.

Shtatë profesionistë të kujdesit shëndetësor, përfshirë këtu mjekë, psikologë dhe infermierë, të cilët e trajtuan Maradonën, akuzohen për vrasje me qëllim të mundshëm, duke ndjekur një kurs veprimi pavarësisht se e dinin se kjo mund të çonte në vdekje. Ata rrezikojnë dënime me burgim nga tetë deri në 25 vite.

Mbrojtja pohon se Maradona, i cili luftoi me varësinë nga kokaina dhe alkooli, vdiq nga shkaqe natyrore./CNA





Lajmet e fundit nga