web counter
LEXO PA REKLAMA!

SHKARKO APP

App Store
Google Play

Ukraina godet me raketa uzinën kimike në Rusi/ Kundërpërgjigjja e Moskës shkakton 6 viktima

22 Tetor 2025, 08:51, Kosova & Bota CNA

Ukraina godet me raketa uzinën kimike në Rusi/

Ukraina ka goditur një uzinë kimike ruse me raketa Storm Shadow. Ushtria deklaroi se kjo ishte një goditje e suksesshme që depërtoi në sistemin rus të mbrojtjes ajrore dhe se rezultati ishte masiv.

Si kundërpërgjigje, disa orë më vonë Rusia nisi një sulm të rëndë me dronë dhe raketa në disa rajone ukrainase, duke shkaktuar gjashtë viktima, përfshirë edhe dy fëmijë.

Dy persona u vranë në sulmet ajrore në kryeqytet, dhe një grua dhe dy fëmijë u vranë në rajonin e Kievit.

Pas sulmeve ruse Ukraina u përball me ndërprerje të energjisë elektrike në Kiev dhe Dnipropetrovski, ku në fokus të Rusisë ishin termocentralet.

Ushtria e Ukrainës tha se ishte e domosdoshme të shënjestroheshin objektet ruse që luajnë një rol kyç në luftën e Moskës kundër Ukrainës. Uzina Kimike e Bryansk është një strukturë kyçe e kompleksit ushtarako-industrial.

Ushtria ukrainase tha se sulmoi pasi uzina prodhon barut, eksplozivë dhe përbërës të karburantit për raketa që përdoren në municione dhe raketa të përdorura nga Moska për të bombarduar territorin e Ukrainës./CNA

 





Lajmet e fundit nga