web counter
LEXO PA REKLAMA!

SHKARKO APP

App Store
Google Play

E fundit!

x

Ukraina dhe Rusia shkëmbejnë rreth 1 mijë ushtarë e civilë të burgosur

23 Maj 2025, 16:33, Kosova & Bota CNA

Ukraina dhe Rusia shkëmbejnë rreth 1 mijë ushtarë e

Rusia dhe Ukraina kanë dorëzuar secila nga 390 ushtarë dhe civilë në shkëmbimin më të madh të të burgosurve që nga fillimi i pushtimit të plotë rus në vitin 2022. Të dyja palët kthyen 270 ushtarakë dhe 120 civilë në kufirin ukrainas me Bjellorusinë, si pjesë e marrëveshjes së vetme të arritur në bisedimet e drejtpërdrejta në Stamboll një javë më parë.

Siç raportohet nga BBC, të dyja palët kishin rënë dakord për një shkëmbim prej 1,000 të burgosurish dhe konfirmuan se do të kishte shkëmbime të mëtejshme në ditët në vijim. Edhe pse ka pasur dhjetëra shkëmbime në shkallë më të vogël, asnjë dorëzim tjetër nuk ka përfshirë kaq shumë civilë.

Ministria ruse e mbrojtjes tha se ushtarakët dhe civilët, përfshirë ata të kapur nga forcat ukrainase në rajonin kufitar Kursk të Rusisë gjatë ofensivës së Kievit në muajt e fundit, ishin midis atyre që u dorëzuan. Ata ndodheshin aktualisht në territorin bjellorus dhe do të çoheshin në Rusi për kontrolle mjekësore dhe trajtim.

"Po i sjellim njerëzit tanë në shtëpi,"-njoftoi presidenti ukrainas Volodymyr Zelensky në mediat sociale.

Selia e koordinimit të Ukrainës për të burgosurit e luftës tha se 270 ushtarakët ukrainas kishin luftuar në rajone në të gjithë lindjen dhe veriun, nga Kievi, Çernihivi dhe Sumi në Donetsk, Kharkiv dhe Kherson. Tre nga 390 të liruarit të premten ishin gra.

Presidenti amerikan Donald Trump më parë postoi urimet e tij në platformën e tij Truth Social, duke pretenduar se shkëmbimi ishte i plotë dhe se kjo mund të çojë në diçka të madhe./CNA





Lajmet e fundit nga