web counter
LEXO PA REKLAMA!

SHKARKO APP

App Store
Google Play

E fundit!

x

Tentativë për grabitjen e një furgoni me para/ Të shtëna me armë zjarri në Prishtinë

24 Nëntor 2025, 16:02, Kosova & Bota CNA

Tentativë për grabitjen e një furgoni me para/ Të

Të shtëna me armë zjarri janë shënuar ditën e sotme në lagjen Bregu i Diellit në Prishtinë. Sipas informacioneve policore, të shtënat dyshohet se kanë ndodhur gjatë një tentative për të grabitur një furgon që transportonte para.

Bëhet me dije se nga të shtënat nuk ka pasur persona të lënduar. Ndërkohë njoftohet se po punohet për identifikimin dhe arrestimin e të dyshuarve, si dhe për zbardhjen e plotë të rrethanave të ngjarjes.

“Sot rreth orës 14:00, kemi pranuar informatën për të shtëna me armë në lagjen Bregu i Diellit në Prishtinë. Bazuar në të dhënat e deritanishme, rasti dyshohet se ka ndodhur gjatë një grabitjeje të armatosur ndaj pjesëtarëve që po siguronin një furgon që transportonte para. Nga informatat fillestare nuk raportohet për persona të lënduar, ndërkohë që hetuesit policorë në koordinim me Prokurorinë, janë duke ndërmarrë të gjitha masat e nevojshme për identifikimin dhe arrestimin e të dyshuarve si dhe për zbardhjen e plotë të rrethanave të rastit”, ka njoftuar policia. /CNA





Lajmet e fundit nga