web counter
LEXO PA REKLAMA!

SHKARKO APP

App Store
Google Play

Sot tentativa e 36-të për konstituimin e Kuvendit të Kosovës

23 Qershor 2025, 08:07, Kosova & Bota CNA

Sot tentativa e 36-të për konstituimin e Kuvendit të Kosovës

Kanë kaluar më shumë se dy muaj nga telenovela e zgjedhjes së kryetarit të ri të legjislaturës së nëntë dhe duket se një gjë e tillë do të vazhdojë pafund.

35 vazhdime të deritanishme përfunduan me dështime për shkak të mungesës së votave të Lëvizjes Vetëvendosje, Guxo e Alternativa, për Albulena Haxhiun si kryetare e re e Kuvendit.

Deputetët e zgjedhur do të mblidhen sot për herë të tridhjetegjashtë në vazhdimin e seancës për konstituimin e Kuvendit të ri duke filluar nga ora 11:00.

Gjykata Kushtetuese ende nuk ka kthyer përgjigjen mbi mënyrën e fshehtë të votimit të kërkuar për interpretim nga grupi parlamentar i Aleancës për Ardhmërinë e Kosovës.

Lëvizja Vetëvendosje, Guxo e Alternativa po kërkojnë komision për mbikëqyrjen e procesit të votimit të fshehtë për zgjedhjen e Haxhiut kryetare të re të Kuvendit, në përpjekje për të dalë nga ngërçi politik.

Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe NISMA kanë përsëritur në vazhdimësi se nuk do ta votojnë Albulena Haxhiun dhe janë shprehur kundër votimit të fshehtë.





Lajmet e fundit nga