web counter
LEXO PA REKLAMA!

SHKARKO APP

App Store
Google Play

E fundit!

x

Italia në gatishmëri për sulme terroriste/ Masa të rrepta në ambasada dhe Vatikan

22 Qershor 2025, 22:47, Kosova & Bota CNA

Italia në gatishmëri për sulme terroriste/ Masa të rrepta

Qeveria italiane vendosi sot të forcojë ndjeshëm masat e sigurisë për të parandaluar çdo sulm terrorist.

Gjatë takimit të Komitetit Strategjik kundër Terrorizmit, në Ministrinë e Brendshme në Romë, u vendos të forcohen masat e sigurisë për të mbrojtur ambasadat e vendeve të huaja, me theks të veçantë ato të Shteteve të Bashkuara dhe Izraelit.

Në total, të ashtuquajturat "objektiva të ndjeshëm" në Itali kalojnë 29 mijë nga të cilat rreth 1 mijë janë të lidhura me interesa dhe aktivitete amerikane dhe izraelite. Theks i veçantë i vihet Vatikanit dhe zonës përreth, ku mijëra turistë dhe pelegrinë dynden çdo ditë për shkak të faktit se ceremonitë e Vitit të Shenjtë të Kishës Katolike Romake të këtij viti janë gjithashtu në zhvillim e sipër.

Italia është i vetmi vend i madh perëndimor që nuk është goditur nga sulme terroriste vitet e fundit. Sipas analistëve, kjo i detyrohet në një masë të madhe, përvojës së shërbimeve italiane të sigurisë, kryesisht nga përballimi i periudhës së vështirë të terrorizmit./CNA





Lajmet e fundit nga