web counter
LEXO PA REKLAMA!

SHKARKO APP

App Store
Google Play

SHBA: Do të testojmë armë bërthamore, por nuk do të ketë shpërthime

3 Nëntor 2025, 22:06, Kosova & Bota CNA

SHBA: Do të testojmë armë bërthamore, por nuk do të

Shtetet e Bashkuara të Amerikës nuk kanë plane për të kryer shpërthime bërthamore. Kështu ka deklaruar Sekretari Amerikan i Energjisë, Chris Wright duke hedhur poshtë spekulimet e ngritura pasi presidenti Donald Trump i bëri thirrje ushtrisë të rifillojë testimet e armëve bërthamorë.

"Këto nuk janë shpërthime bërthamore, këto janë ato që ne i quajmë shpërthime jo-kritike", tha Wright për mediat.

Komenti vjen disa ditë pasi Trump postoi në Truth Social se ai kishte urdhëruar zyrtarët e mbrojtjes të rifillonin testimin e armëve tona bërthamore në kushte të barabarta me kundërshtarët.

Komentet e Trump në Truth Social javën e kaluar u interpretuan nga shumë si një shenjë se SHBA-të po përgatiteshin të rifillonin shpërthimet bërthamore që ishin pezulluar në vitin 1992.

"Rusia po bën teste dhe Kina po bën teste, por ata nuk flasin për këtë", tha ai në një intervistë të dielën. Rusia i përfundoi testet e saj bërthamore në vitin 1990 dhe Kina në vitin 1996.

Koreja e Veriut është i vetmi vend që ka kryer teste bërthamore që nga vitet 1990, por edhe Pheniani njoftoi një moratorium në vitin 2018. /CNA





Lajmet e fundit nga