web counter
LEXO PA REKLAMA!

SHKARKO APP

App Store
Google Play

E fundit!

x

Re toksike klori në Katalonjë/ 160 mijë spanjollë urdhërohen të qëndrojnë në shtëpi

10 Maj 2025, 15:22, Kosova & Bota CNA

Re toksike klori në Katalonjë/ 160 mijë spanjollë

Rreth 160,000 njerëz në Katalonjë, në verilindje të Spanjës, u paralajmëruan të qëndronin në shtëpi të shtunën pasi një zjarr shpërtheu në një zonë industriale, duke shkaktuar një re toksike klori, thanë shërbimet e emergjencës.

Zjarri shpërtheu në një kompani produktesh për pastrimin e pishinave në orën 2:20 të mëngjesit, sipas kohës lokale në qytetin e Vilanova i la Zeltre, i cili ndodhet rreth 48 kilometra në jug të Barcelonës. Reja e madhe e klorit u përhap në zonën më të gjerë.

Një mesazh iu dërgua banorëve të pesë qyteteve:

"Nëse ndodheni në zonën e prekur, mos dilni nga shtëpia ose vendi i punës",-tha shërbimi i Mbrojtjes Civile në rrjetin social ‘X’.

Sipas shërbimeve të emergjencës katalanase, nuk pati të lënduar nga zjarri, por banorët në pesë qytete morën mesazhe në telefonat e tyre celularë që i paralajmëronin të qëndronin brenda.

“Është shumë e vështirë që klori të marrë flakë, por nëse ndizet, është shumë e vështirë ta shuajë”,-tha pronari i industrisë, Jorge Vinothales Alonso, për stacionin lokal radiofonik Rac1.

Siç e theksoi vetë, zjarri mund të jetë shkaktuar nga një bateri litiumi. Shërbimet e trenave të planifikuara të qarkullonin në zonë u pezulluan, rrugët u bllokuan dhe shumë ngjarje u anuluan.

Zjarri është vënë nën kontroll, tha për TVE zëdhënësi i Mbrojtjes Civile, Juan Ramon Cabello./CNA





Lajmet e fundit nga