web counter
LEXO PA REKLAMA!

SHKARKO APP

App Store
Google Play

E fundit!

x

“Nuk kemi krizë institucionale”/ Kurti: LVV ka përgjegjësi për formimin e qeverisë

10 Maj 2025, 12:57, Kosova & Bota CNA

“Nuk kemi krizë institucionale”/ Kurti: LVV ka

Kryeministri i Kosovës, Albin Kurti, ka komentuar sot mbi situatën politike në vend, teksa theksoi se konstituimi i Kuvendit është përgjegjësi e të gjitha subjekteve politike të Kosovës.

Sa i përket formimit të qeverisë, Kurti tha se kjo është detyrë e LVV që ka dalë për herë të tretë fituese në zgjedhje.

Kurti u shpreh se Kosova nuk është në krizë institucionale.

Kurti i bëri deklaratat gjatë mbledhjes së 58-të të Këshillit të Përgjithshëm të Lëvizjes Vetëvendosje, ku komentoi edhe kundërshtimin e opozitës për të zgjedhur Albulena Haxhiun si kryetare të Kuvendit.

 “Ne kemi përgjegjësi për ta formuar qeverinë, jo konstituimin e Kuvendit, kjo është përgjegjësi e të gjitha partive. Kjo është hera e tretë që dalim të parët, e gjithë kjo me një qeverisje me mandat të plotë, që nga shpallja e pavarësisë. Nuk kemi krizë institucionale, por vakum kushtetues, organet e rendit veprojnë, ligjet zbatohen, vetëm Kuvendi nuk është funksionalizuar. Gjithmonë qeveria del pasi të formohet Kuvendi, kurrë e kundërta”,-tha Kurti./CNA





Lajmet e fundit nga