web counter
LEXO PA REKLAMA!

SHKARKO APP

App Store
Google Play

E fundit!

x

"Po ja dalim shumë mirë"/ Trump: Veprimi ushtarak i SHBA-së në Iran është një shërbim për të gjithë botën

7 Mars 2026, 16:18, Kosova & Bota CNA

"Po ja dalim shumë mirë"/ Trump: Veprimi ushtarak i

Presidenti i SHBA-së, Donald Trump ka zhvilluar ditën e sotme një takim me disa udhëheqës të vendeve të Amerikës Latine në Doral të Floridës. Të pranishëm në takim ishin dhe Sekretari i Shtetit Marco Rubio dhe Sekretari i Luftës Pete Hegseth, si dhe zyrtarë të tjerë të administratës, përfshirë Sekretaren e Sigurisë Kombëtare të shkarkuar së fundmi, Kristi Noem.

Trump e filloi fjalimin e tij me situatën në Iran, duke veprimet e SHBA-së në operacionin në Iran po ecin shumë mirë. Ai u shpreh më tej se synon t’i mbajë vdekjet e amerikanëve në luftën e Iranit në minimum.

“Menjëherë pas kësaj, do të nisem për në Dover. Situatë shumë e trishtueshme, të përshëndes familjet e heronjve që po kthehen në shtëpi nga Irani, duke u kthyer në shtëpi në një mënyrë të ndryshme nga sa mendonin se do të ktheheshin. Por ata janë heronj të mëdhenj në vendin tonë dhe ne do ta mbajmë kështu. Kur bëhet fjalë për luftë, gjithmonë ka humbje— por ne do ta mbajmë atë numër në minimum, mendoj Pete”, tha Trump, duke iu referuar Sekretarit të Mbrojtjes Pete Hegseth.

Ai shtoi se veprimi ushtarak amerikan në rajon që ai urdhëroi ishte një “shërbim” për botën.

“Një shërbim që ne po e ofrojmë vërtet, jo për Lindjen e Mesme, por për botën. Këta ishin njerëz të sëmurë, njerëz shumë të sëmurë”, tha Trump.

Presidenti Trump tha se SHBA-të kishin neutralizuar 42 anije detare iraniane në tre ditë, duke çaktivizuar pjesën më të madhe të sistemeve të fuqisë ajrore dhe telekomunikacionit të vendit.

Në të njëjtën kohë, Donald Trump njoftoi një koalicion të ri ushtarak për të eliminuar kartelet në Hemisferën Perëndimore, duke theksuar se 17 vende i janë bashkuar zyrtarisht aleancës. /CNA





Lajmet e fundit nga