web counter
LEXO PA REKLAMA!

SHKARKO APP

App Store
Google Play

Irani sulmon një tanker me flamur të Maltës në Gjirin Persik pranë Ngushticës së Hormuzit

7 Mars 2026, 10:19, Kosova & Bota CNA

Irani sulmon një tanker me flamur të Maltës në Gjirin Persik

Korpusi i Gardës Revolucionare Islamike (IRGC) i Iranit ka deklaruar se ka sulmuar një cisternë nafte në Gjirin Persik pranë Ngushticës së Hormuzit.

Sipas agjencisë iraniane të lajmeve "Tasnim", anija e quajtur “Prima” u godit me një dron, pasi, sipas IRGC-së, kishte injoruar paralajmërimet e përsëritura nga marina e kësaj force.

Në deklaratë thuhet se cisterna nuk kishte respektuar urdhrat për ndalimin e trafikut në zonë, ndërsa Ngushtica e Hormuzit është cilësuar si një zonë me rrezik të lartë për lundrim në këto momente. Sulmi, sipas raportimeve, ndodhi në orët e para të mëngjesit.

Të dhënat nga faqja e monitorimit detar MarineTraffic tregojnë se “Prima” është një cisternë që transporton naftë dhe kimikate dhe lundron nën flamurin e Maltës.

Deri tani nuk ka informacione të konfirmuara për dëme të mëdha apo viktima, ndërsa incidenti pritet të rrisë tensionet në një nga rrugët më të rëndësishme të transportit të naftës në botë./ CNA





Lajmet e fundit nga