web counter
LEXO PA REKLAMA!

SHKARKO APP

App Store
Google Play

“Nuk do të ketë dorëzim të pakushtëzuar”/ Presidenti i Iranit u kërkon falje shteteve fqinje për sulmet

7 Mars 2026, 12:37, Kosova & Bota CNA

“Nuk do të ketë dorëzim të pakushtëzuar”/

Presidenti i Iranit, Masoud Pezeshkian, deklaroi të shtunën se vendi i tij nuk do të dorëzohet kurrë përballë presioneve ndërkombëtare, ndërsa tensionet me Izraelin vazhdojnë të përshkallëzohen dhe ushtria iraniane ka shkëmbyer sulme me shtetin hebre, duke goditur gjithashtu disa vende të Gjirit me zjarr hakmarrës.

Pezeshkian e bëri në një fjalim të transmetuar në televizionin shtetëror iranian, më pak se një ditë pasi Presidenti i Shteteve të Bashkuara, Donald Trump, tha se administrata e tij nuk do të negociojë me Teheranin pa “dorëzim të pakushtëzuar”.

“Ata do t’i marrin me vete në varr ëndrrat e tyre për dorëzimin tonë pa kushte”, u shpreh Pezeshkian gjatë fjalimit.

Situata politike në Iran është bërë edhe më e ndërlikuar pas vrasjes së Udhëheqësit Suprem Ali Khamenei një javë më parë. Aktualisht, pushteti në vend drejtohet përkohësisht nga një këshill udhëheqës prej tre personash, i cili do të mbajë kontrollin deri në emërimin e pasardhësit të tij.

Këshilli përfshin presidentin Masoud Pezeshkian, i konsideruar si figurë relativisht më e moderuar, kreun e vijës së ashpër të gjyqësorit Gholamhossein Mohseni Ejei dhe klerikun e lartë Alireza Arafi.

Ndërkohë, përplasjet mes Iranit dhe Izraelit vazhdojnë të rrisin tensionet në rajon, duke shtuar frikën për një përshkallëzim më të gjerë të konfliktit në Lindjen e Mesme.

Më tej, Presidenti i Iranit, Masoud Pezeshkian u kërkoi falje shteteve fqinje, duke thënë se këshilli i udhëheqjes u tha forcave të armatosura të ndalonin sulmet ndaj fqinjëve të tyre, përveç nëse ndonjë sulm ndaj Iranit do të vinte nga ato vende./ CNA





Lajmet e fundit nga