web counter
LEXO PA REKLAMA!

SHKARKO APP

App Store
Google Play

Lufta në Iran/ Trump: Nuk mund të lësh armët bërthamore në duart e të çmendurve

6 Prill 2026, 17:49, Kosova & Bota CNA

Lufta në Iran/ Trump: Nuk mund të lësh armët bërthamore

Presidenti i Shteteve të Bashkuara të Amerikës, Donald Trump ka folur për gazetarët në një event për Pashkët në Shtëpinë e Bardhë. Trump është shprehur se nëse do të varej prej tij, ai do ta vazhdonte luftën për të marrë naftën e Iranit.

“Nëse do të varej nga unë, ne do ta merrnim naftën, do ta mbanim dhe do të fitonim shumë para”, tha Trump.

Por ai ka shtuar se populli amerikan dëshiron që lufta të mbarojë dhe se ai dëshiron "t’i bëjë ata të lumtur". Duke vijuar me komentet e tij për luftën në Iran, Trump tha se “nuk mund të lësh armë bërthamore në duart e njerëzve të çmendur".

Presidenti amerikan vlerësoi edhe një herë se konflikti mund të përfundojë në një kohë të shkurtër, me kusht që qeveria iraniane të ndërmarrë veprimet e nevojshme.

Në të njëjtën kohë, ai deklaroi se ka ndodhur një ndryshim i plotë i regjimit, duke pretenduar se bashkëbiseduesit që tani përfaqësojnë palën iraniane duken më pajtues.

"Njerëzit atje tani janë shumë më të arsyeshëm sesa të çmendurit që kishit në fazën e parë dhe të dytë. Ata ishin të çmendur, njerëzit me të cilët po negociojmë tani në emër të Iranit janë shumë më të arsyeshëm", tha presidenti amerikan. /CNA





Lajmet e fundit nga