web counter
LEXO PA REKLAMA!

SHKARKO APP

App Store
Google Play

Kosova i përgjigjet kërkesës së Trump/ Kurti zbulon vendimin e qeverisë

11 Qershor 2025, 16:24, Kosova & Bota CNA

Kosova i përgjigjet kërkesës së Trump/ Kurti zbulon vendimin

Pak ditë më parë administrata e Presidentit Donald Trump i kërkoi vendeve të Ballkanit që të pranojnë emigrantët e deportuar nga Shtetet e Bashkuara.

Kërkesat drejtuar vendeve në rajon janë pjesë e një strategjie më të gjerë të SHBA-së për të gjetur qeveri të huaja të gatshme të pranojnë emigrantë të deportuar.

Sot kryeministri Albin Kurti ka bërë me dije se ka pranuar këtë kërkesë të SHBA për të zhvendosur përkohësisht shtetasit e vendeve të treta.

Kurti thotë se sot kjo kërkesë është përkthyer në Vendim të Qeverisë, në mbledhjen e 262-të.

“Si përgjigje ndaj kërkesës së Shteteve të Bashkuara të Amerikës për pranimin dhe zhvendosjen e përkohshme të shtetasve të vendeve të treta, gatishmërinë e shprehur për bashkëpunim me partnerin dhe aleatin tonë, sot e përkthyem në Vendim të Qeverisë, në mbledhjen tonë të 262-të.

Sipas këtij vendimi, shteti ynë brenda një periudhe njëvjeçare do të pranojë dhe strehojë deri në 50 individë me qëllim të lehtësimit të kthimit të tyre të sigurt në vendin e prejardhjes. Përzgjedhja e këtyre personave do të bëhet nga një listë e propozuar, për aq sa ata i plotësojnë kriteret e caktuara lidhur me sundimin e ligjit dhe rendin publik. Gjatë qëndrimit të tyre në Kosovë, këta persona do të veprojnë në përputhje me legjislacionin në fuqi dhe do të gëzojnë të drejtat e përcaktuara po sipas legjislacionit tonë në fuqi.

Shtetet e Bashkuara të Amerikës mbeten aleat i yni palëkundur dhe Republika e Kosovës do të jetë gjithmonë partner i besueshëm i tyre. U jemi përherë mirënjohës për ndihmën dhe bashkëpunimin e vazhdueshëm, dhe e vlerësojmë lartë mbështetjen në mbrojtje e zhvillim, e sidomos në rrugëtimin tonë drejt integrimit Euro-Atlantik”, shkruan Kurti./ CNA





Lajmet e fundit nga