web counter
LEXO PA REKLAMA!

SHKARKO APP

App Store
Google Play

Izraeli përjashton personelin spanjoll nga qendra e koordinimit ushtarak/ Shkak, qëndrimet e Sanchez

10 Prill 2026, 22:42, Kosova & Bota CNA

Izraeli përjashton personelin spanjoll nga qendra e koordinimit ushtarak/

Kryeministri i Izraelit, Benjamin Netanyahi ka njoftuar se personeli spanjoll është dëbuar nga një qendër ushtarake në Izrael, për shkak të kritikave të vazhdueshme të vendit ndaj operacioneve të tij ushtarake. Sipas Netanyahut, Spanja ka zgjedhur vazhdimisht të qëndrojë kundër Izraelit.

"Spanja ka shpifur kundër heronjve tanë, ushtarëve të IDF-së, ushtarëve të ushtrisë më morale në botë. Prandaj, kam dhënë udhëzime për dëbimin e përfaqësuesve të Spanjës nga qendra e koordinimit në Kiryat Gat, pasi Spanja ka zgjedhur vazhdimisht të qëndrojë kundër Izraelit", është shprehur Netanyahu. 

Netanyahu tha se Izraeli nuk do të lejojë asnjë vend të zhvillojë një luftë politike kundër tyre pa paguar një çmim për të. Spanja, një nga kritikët më të zëshëm të sulmeve SHBA-Izrael në Lindjen e Mesme, ka mbyllur hapësirën e saj ajrore për çdo avion ushtarak të përfshirë në luftë dhe e ka etiketuar konfliktin si të pamatur dhe të paligjshëm.

Duke konfirmuar dëbimin, ministri i jashtëm i Izraelit, Gideon Saar, tha se Spanja kishte vepruar kundër Izraelit "me të gjitha mjetet e mundshme".

Qendra ushtarake, e vendosur në Izraelin qendror, u formua për të mbikëqyrur armëpushimin e rënë dakord në Gaza tetorin e kaluar. Spanja kishte një prani të përhershme në selinë qendrore. /CNA





Lajmet e fundit nga