web counter
LEXO PA REKLAMA!

SHKARKO APP

App Store
Google Play

Kryeparlamentari iranian: Negociatat me SHBA-në mund të fillojnë vetëm pasi të përmbushen dy kushte

10 Prill 2026, 17:53, Kosova & Bota CNA
Kryeparlamentari iranian: Negociatat me SHBA-në mund të fillojnë
Mohammad Ghalibaf

Negociatat me Shtetet e Bashkuara të Amerikës nuk mund të fillojnë derisa Uashingtoni të përmbushë dy kushte kryesore.

Kështu është shprehur kryetari i parlamentit të Iranit, Mohammad Bagher Ghalibaf, për të cilin disa media iraniane thonë se pritet të udhëheqë delegacionin e Teheranit gjatë bisedimeve të fundjavës në Pakistan.

Në një postim në “X”, Ghalibaf tha se një armëpushim në Liban dhe lirimi i aseteve të bllokuara të Iranit duhet të përmbushen përpara se të fillojnë negociatat.

“Dy nga masat e dakordësuara reciprokisht midis palëve ende nuk janë zbatuar: një armëpushim në Liban dhe lirimi i aseteve të bllokuara të Iranit para fillimit të negociatave. Këto dy çështje duhet të përmbushen para se të fillojnë negociatat”, thuhet në postimin e tij.

Kërkesa për lirimin e aseteve të bllokuara ka qenë një çështje e përsëritur në negociatat e kaluara, por kjo është hera e parë që është ngritur si parakusht për bisedimet e ardhshme të armëpushimit.

Irani dhe ndërmjetësi Pakistan pohojnë se Libani, i cili ka vazhduar të jetë nën sulmin izraelit, ishte përfshirë në armëpushimin që hyri në fuqi këtë javë, por zyrtarët amerikanë dhe Izraeli e kanë mohuar këtë pretendim. /CNA





Lajmet e fundit nga