web counter
LEXO PA REKLAMA!

SHKARKO APP

App Store
Google Play

E fundit!

x

IAEA: Nuk ka shenja se sulmet izraelite dhe amerikane kanë dëmtuar objektet bërthamore të Iranit

2 Mars 2026, 11:15, Kosova & Bota CNA

IAEA: Nuk ka shenja se sulmet izraelite dhe amerikane kanë dëmtuar

Agjencia Ndërkombëtare e Energjisë Atomike (IAEA) nuk ka asnjë shenjë se sulmet izraelite dhe amerikane ndaj Iranit kanë goditur ndonjë objekt bërthamor. Kështu ka deklaruar drejtori i saj, Rafael Grossi, Bordit të Guvernatorëve të agjencisë, i cili shtoi gjithashtu se ende nuk ka qenë në gjendje të kontaktojë autoritetet bërthamore të Iranit.

“Nuk kemi asnjë indikacion se ndonjë nga instalimet bërthamore është dëmtuar ose goditur. Përpjekjet për të kontaktuar autoritetet rregullatore bërthamore iraniane, vazhdojnë, por deri më tani nuk ka asnjë përgjigje”, tha ai në një deklaratë drejtuar bordit prej 35 vendesh.

Grossi bëri thirrje për përmbajtje maksimale në të gjitha operacionet ushtarake, duke pasur parasysh vendet bërthamore në Iran dhe në vende të tjera të rajonit, përfshirë Bahrejnin, Irakun, Kuvajtin, Omanin, Katarin dhe Arabinë Saudite.

Ndërkohë më herët gjatë ditës së sotme ambasadori i Iranit në organin mbikëqyrës bërthamor të OKB-së, Reza Najafi, u shpreh se objekti bërthamor iranian në Natanz u godit gjatë sulmeve SHBA-Izrael kundër Iranit.

“Dje ata sulmuan përsëri objektet bërthamore paqësore dhe të mbrojtura të Iranit”, u tha Reza Najafi gazetarëve në një takim të bordit të guvernatorëve prej 35 vendesh të Agjencisë Ndërkombëtare të Energjisë Atomike. /CNA





Lajmet e fundit nga