web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet i dyshuari i fundit për grabitjen e Luvrit/ Ende asnjë gjurmë nga bizhuteritë

25 Nëntor 2025, 14:17, Kosova & Bota CNA

Arrestohet i dyshuari i fundit për grabitjen e Luvrit/ Ende asnjë

Autori i katërt dhe i fundit i dyshuar i grabitjes spektakolare që ndodhi më 19 tetor në muzeun e Luvrit, është arrestuar paraditen e sotme në Paris.  

I arrestuari, u dërgua në paraburgim me akuzat për "vjedhje nga një bandë e organizuar" dhe "krijim të një grupi kriminal". Sipas informacioneve, ai dyshohet se është ka bashkëpunuar me tre të pandehurit e tjerë të cilët tashmë janë lënë në paraburgim pas ndjekjeve penale. 

Pamjet e kamerave të sigurisë së muzeut kishin filmuar katër persona që morën pjesë në vjedhjen e muzeut më të vizituar në botë. 

Duke përdorur një vinç, dy prej autorëve të dyshuar hynë me forcë në Galerinë Apollo dhe morën bizhuteri nga koleksioni mbretëror francez, vlera e të cilave vlerësohet në 88 milionë euro. Dy bashkëpunëtorët e tjerë qëndruan jashtë muzeut për të organizuar arratisjen e grupit. 

Arrestimet e para u bënë pasi testet e ADN-së identifikuan dy autorët që hynë në lokal, Ayed G. dhe Abdulai N., dhe më vonë u arrestua edhe Slimane K., i cili besohet se drejtonte njërën nga dy motoçikletat e përdorura në operacion.

Ndërkohë, autoritetet janë ende duke kërkuar për bizhuteritë me vlerë, ndërsa hetimet janë duke vazhduar për të identifikuar organizatorin e grabitjes që shokoi Francën dhe jo vetëm. /CNA





Lajmet e fundit nga