web counter
LEXO PA REKLAMA!

SHKARKO APP

App Store
Google Play

E fundit!

x

“Administrata Biden bërtiste dhe mallkonte”/ Zuckerberg: Na qepën pas agjencitë, ishte brutale

11 Janar 2025, 12:17, Kosova & Bota CNA
“Administrata Biden bërtiste dhe mallkonte”/ Zuckerberg: Na
Mark Zuckerberg

Në një episod të podcastit "The Joe Rogan Experience" të publikuar të premten, CEO i Meta, Mark Zuckerberg ka rrëfyer për sharjet dhe mallkimet që ka marrë kompania e tij nga zyrtarët e administratës pasi ka hequr përmbajtje të caktuara nga platforma e mediave sociale.

“Njerëz nga administrata Biden telefononin stafin tonë duke bërtitur dhe mallkuar. Këto dokumente janë tashmë publike. Nuk besoj të kemi incizuar telefonata por kemi emailet e dërguara dhe ato janë publikuar te gjitha. Dhe situata erdhi në pikën ku ne u thamë: “Ne nuk do të fshijmë gjëra që janë të vërteta. Kjo është qesharake”.

Nuk është hera e parë që bashkëthemeluesi i Facebook ka deklaruar se zyrtarët e administratës i kanë bërë presion kompanisë për të hequr postimet.

Në një letër të vitit të kaluar drejtuar republikanit Jim Jordan, kryetarit republikan të Komitetit Gjyqësor të Dhomës së Përfaqësuesve, Zuckerberg tha se Shtëpia e Bardhë "i bëri presion në mënyrë të përsëritur" Facebook-ut për të hequr "disa përmbajtje të COVID-19 që përfshinin humorin dhe satirën".

 “Ata na kërkuan të fshinim disa postime satirike që atyre nuk u pëlqenin. Ne sigurisht që refuzuam. Pas kësaj mendoj se ata u inatosën dhe Biden bëri një deklaratë”, rrëfeu Zuckerberg.

“Nuk e mbaj mend mirë nëse ishte konferencë për shtyp por ai në parim tha se ne po vrisnim njerëz duke mos respektuar kërkesat e administratës. Pas kësaj agjenci të shumta dhe degë të qeverisë na i’u qepën kompanisë sonë dhe filluan të na investigonin. Ishte brutale!”, tha CEO i META ndër të tjera./ CNA





Lajmet e fundit nga