web counter
LEXO PA REKLAMA!

SHKARKO APP

App Store
Google Play

Kthjellime, vranësira dhe reshje të dendura/ Çfarë ka rezervuar moti për javën e ardhshme

2022-09-18 15:45:00, Sociale CNA
Kthjellime, vranësira dhe reshje të dendura/ Çfarë ka
Foto ilustruese

Për javën që presim përpara, vendi ynë do të ndikohet nga kushte atmosferike kryesisht të qëndrueshme. Gjithashtu karakteristikë e kësaj jave do të jenë temperaturat e ulëta në mëngjes dhe jo shumë të larta në mesditë, kjo për shak të masave ajrore të ftohta dhe me origjinë veriore.

Në këtë mënyrë, java nis ditën e hënë me mot të kthjellët në të gjithë territorin, përjashtuar vranësirat e pakta kalimtare në relievet malore.

Për ditën e martë parashikohet një paqëndrueshmëri e lehtë. Pjesa e parë e ditës do të ketë mot me kthjellime e alternime vranësirash mesatare deri të dendura, shoqëruar me reshje shiu të herëpashershme me intensitet të ulët. Më pas pritet përsëri mot i kthjellët në të gjithë territorin.

Duke filluar nga dita e mërkurë deri dhe ditën e premte, moti parashikohet i kthjellët në të gjithë territorin, përjashtuar vranësirat kalimtare kryesisht në orët e mesditës. 

Era do të fryjë me drejtim kryesor nga kuadrati i veriut dhe shpejtësi mesatare 1-5 m/s, përjashtuar ditën e enjte dhe atë të premte, ku përgjatë vijës bregdetare dhe lugina fiton shpejtësi deri në 8-12m/s./ B.A. ? CNA.al

Kthjellime, vranësira dhe reshje të dendura/ Çfarë ka





Lajmet e fundit nga