web counter
LEXO PA REKLAMA!

SHKARKO APP

App Store
Google Play

E fundit!

x

Çuçi do forcojë Policinë, me “Babalen”

2022-06-16 11:28:00, Editorial CNA
Çuçi do forcojë Policinë, me “Babalen”
Bledi Çuçi, Ervin Salianji

Është sa qesharake, aq edhe e dhimbshme ajo që po ndodh sot në parlament. Një teatër I pështirë, ku në një interpelancë kërkuar nga deputeti Ervin Salianji, “Babalja” I PD-së së Lulzim Bashës, ministri Çuçi i përgjigjet se duhet të shohin përpara, të bashkëpunojnë, që të forcojnë Policinë e Shtetit dhe e mirëpret këtë këtë interpelancë si një hap pozitiv.

Dhe kujt ia thotë këtë Bledi Çuçi? Ervin Salianjit, “Babales”. Njeriut që inskenoi një dosje të tër hetimesh, mashtrimesh në lidhje me një rast që ishte direkt goditje ndaj ministrit të Brendshëm, në atë kohë, Fatmir Xhafaj.

Një inskenim i plotë për vëllain e ministrit, për gjoja takim, përgjime, e të tjera si këto.

Ja kërkon Ervin Salianjit, njeriut të dënuar për fyerje, me vendim nga gjykata. Ia kërkon Ervin Salianjit, njeriut që parlamentin, më shumë sesa për Policinë e Shtetit, e ka pasur për histori banale me G.D-në e tij të famshme, e kapur në bisedë erotike me deputetin e Lulit. Rëndom i quajtur “Babale”.

Mesazhi i Bledi Çuçit, mund t’i drejtohej kujtdo. Çdo deputeti tjetër. Por, kurrësesi një njeriu nën hetim për mashtrim. Kurrësesi një njeriu të dënuar për fyerje. Një “Babale” të vërtetë. Njeriu që me dru në dorë iu binte kokave të demokratëve në protestën e 8 Janarit, të cilin mesa duket e kanë marrë në mbrojtje policia.

Është kaq banale dhe kaq e turpshme, gjithçka bën Bledi Çuçi.

Por, çfarë mund të presësh nga burri i dytë, i gruas së tretë? Asgjë më shumë sesa kaq. Thjeshtë dhe vetëm palaçollëqe dhe sjellje qesharake të një të paafti, që kërkon ndihmë tek një mashtrues./CNA.al

 





Lajmet e fundit nga