web counter
LEXO PA REKLAMA!

SHKARKO APP

App Store
Google Play

Përgatitja për zgjedhjet lokale 2027/ Celibashi: Reforma Zgjedhore duhet të jetë gati brenda qershorit

2026-03-10 14:02:00, Politikë CNA

Përgatitja për zgjedhjet lokale 2027/ Celibashi: Reforma Zgjedhore

Kreu i Komisionit Qendror të Zgjedhjeve, Ilirjan Celibashi ishte sot i pranishëm në një tryezë diskutimi për reformën zgjedhore me drejtues të institucioneve publike dhe ekspertë të fushës.

Në fjalën e tij, Celibashi u ndal te rëndësia e transparencës dhe gjithëpërfshirjes në këtë proces, teksa theksoi se Reforma Zgjedhore duhet të jetë gati brenda qershorit 2026, në mënyrë që të mund të zbatohet në zgjedhjet e ardhshme lokale të vitit 2027.

“Transparenca dhe gjithëpërfshirja e këtij procesi është e rëndësishme, cilësia e produktit të kësaj reforme është e lidhur drejtpërdrejt me mënyrën se si kjo reformë do të realizohet dhe ka vend që t’i bëjmë thirrje politikës që janë të angazhuar në këtë proces. Krahas transparencës dhe gjithëpërfshirjes që duhet të ketë procesi, do të shtoja edhe kohën kur kjo reformë duhet të realizohet. Duhet që ndryshimet e këtij ligji të jenë në fuqi jo më vonë se qershori i këtij viti. Në këtë mënyrë partitë politike, KQZ do të kenë kohën e mjaftueshme për të përgatitur zgjedhjet vendore të 2027 siç përcaktohet në Kodin Zgjedhor”,-tha Celibashi./CNA





Lajmet e fundit nga