LEXO PA REKLAMA!

SHKARKO APP

“Po sulmojnë nga pozicione të ndryshme”/ Sveçla: Thirrja e fundit për dorëzim

2023-09-24 14:20:00, Kosova & Bota CNA
“Po sulmojnë nga pozicione të ndryshme”/ Sveçla:
Ministri i Brendshëm i Kosovës, Xhelal Sveçla

Ministri i Brendshëm i Kosovës, Xhelal Sveçla ka bërë me dije se kjo është thirrja e fundit për grupin kriminal që të dorëzohet.

Përmes një statusi në rrjetet sociale, Sveçla është shprehur se po vijojnë ende sulmet me armë, ku burimi i tyre është nga oborri i Manastirit të Banjskës.

Më tej shpjegon se sulmet po vijnë nga pozicione të ndryshme pas grupi është shpërndarë.

Grupet kriminale të mirë organizuara dhe të dirigjuara nga Beogradi, pas bllokimit të urës me mjete të rënda dhe pamundësimit të qasjes në fshatit Bajnskë, kanë sulmuar në pritë njësitë policore, ku për pasojë rreshteri i policisë së rendit Afrim Bunjaku është vrarë, dhe dy të tjerë janë plagosur gjendja e të cilëve është stabile.

Sulmi ka ardhur dhe po vazhdon akoma nga njësi profesionale të përgatitura dhe me një përbërje prej mbi 30 personave, të uniformuar, të maskuar dhe të pajisur ushtarakisht me mjete të blinduara dhe armë të rënda të llojeve të ndryshme.Burimi i sulmeve me armë zjarri është manastiri në Banjska të Zveçanit dhe përreth.

Njësitë tona policore janë aktivizuar në terren, të njëjtat kohë pas kohe janë duke u sulmuar me armë zjarri nga pozicione të ndryshme, nga grupet e organizuara dhe të armatosura rëndë.

Një numër i tyre janë të barrikaduar brenda manastirit në Banjska edhe sipas deklarimeve zyrtare të Dioqezës Rashkë-Prizren. Këta terroristë janë të rrethuar nga njësitë policore dhe është koha e fundit që të dorëzohen.

I shpreh ngushëllimet më të sinqerta familjarëve të Rreshterit Afrim Bunjaku dhe të gjithë pjesëtarëve të Policisë së Kosovës.

Në këto momente të vështira qëndrojmë bashkë dhe fuqishëm pranë tyre”, ka thënë në reagimin e tij Xhelal Sveçla.

Lajmet e fundit nga