web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri i ri britanik Sunak, viziton Kievin

2022-11-19 19:01:06, Kosova & Bota CNA
Kryeministri i ri britanik Sunak, viziton Kievin
Kryeministri i ri i Britanisë, Rishi Sunak dhe presidenti i Ukrainës, Volodymyr Zelensky

Kryeministri i ri i Britanisë, Rishi Sunak bëri të shtunën vizitën e tij të parë në Kiev, ku premtoi se do të vazhdojë mbështetjen e vendosur të vendit të tij për Ukrainën.

"Britania e di se çfarë do të thotë të luftosh për liri," shkruante zoti Sunak në Twitter. "Ne jemi gjithmonë krah jush."

Në një deklaratë më pas ai tha Britania do t’i japë Ukrainës një paketë për mbrojtjen ajrore prej afro 60 milionë dollarësh, përfshirë armë kundërajrore dhe teknologji për të goditur dronët e dërguar nga Irani, tha kryeministri Sunak.

Ai shtoi se Britania do të rrisë gjithashtu mbështetjen humanitare për dimrin e ftohtë dhe të vështirë.

Presidenti ukrainas Volodymyr Zelensky postoi një video të shtunën e takimit të të dyudhëheqësve në Kiev.

"Me miq si ju në krah, ne kemi besim në fitoren tonë. Të dy vendet tona e dinë se çfarë do të thotë të luftosh për lirinë," shkruante zoti Zelensky në Twitter.

Zoti Sunak, një ish-ministër financash, mori detyrën muajin e kaluar pas mandatit të shkurtër të kryeministres Liz Truss. Ajo dhe paraardhësi i saj Boris Johnson e kishin bërë mbështetjen publike për Ukrainën një përparësi të programit të tyre dhe kryeministri Sunak ka thënë se do ta vazhdojë një politikë të tillë./ VOA





Lajmet e fundit nga