web counter
LEXO PA REKLAMA!

SHKARKO APP

App Store
Google Play

Rastet e neurodiversitetit/ Këshilla e psikologes: Terapia me vlerë jo vetëm për fëmijët, komunikim edhe me prindërit

2026-06-16 17:45:00, Aktualitet CNA

Rastet e neurodiversitetit/ Këshilla e psikologes: Terapia me vlerë jo

Psikologia Armina Velçani ndau sot me shikuesit e CNA TV, ku çdo të martë transmetohet podcasti “Ndryshe, por bashkë”, disa elementë me rëndësi të terapisë për rastet e neurodiversitetit.

Velçani theksoi se koha e terapisë është e vlefshme jo vetëm për të qenë në dispozicion të fëmijës që trajtohet, por edhe për të komunikuar me prindërit.

“Terapia nuk është e fokusuar vetëm te ora që kishe në dispozicion me fëmijën, por edhe komunikimi me prindin. Edhe mbështetja që duhet të jepet ndaj tyre në kopësht dhe shkollë. Ndoshta edhe për vlerësime të tjera që nuk bëheshin në ambiente të tjera. Kjo edhe nga kurioziteti dhe për të kuptuar qasjen që mund të ketë, qoftë edhe një neuropediatër”,-tha Velçani.

Më tej, psikologia ndau edhe një këshillë për prindërit, që në rast se vërejnë diçka që nuk shkon me fëmijët e tyre ose nëse kanë ndonjë dyshim, të mos stepen për të marrë një këshillim me ekspertët e fushës.

“Unë jam prind vetë dhe shpeshherë e kuptoj edhe stepjen kur shikon diçka që nuk shkon fëmija ose kur ka një dyshim ndaj diçkaje. Do të doja t’i thoja që të mos ngelet gjatë te pjesa e mendimit nëse po zhvillohet ose jo, është pjesë e spektrit të neurodiversitetit ose jo, por të ketë komoditetin për të kërkuar një mendim tjetër ose vlerësim se ku duhet të drejtohet”,-tha Velçani./CNA





Lajmet e fundit nga