web counter
LEXO PA REKLAMA!

SHKARKO APP

App Store
Google Play

Merxhan Çeliku, ndihmësi i Amant Josifit/ Pse nuk lëshohet urdhër-arrest për ish-këshllitarin e Xhaçkës?

2024-03-04 19:36:00, Aktualitet CNA

Merxhan Çeliku, ndihmësi i Amant Josifit/ Pse nuk lëshohet

Ish-kryeministri Sali Berisha, gjatë fjalës së tij në tubimin e pasdites së sotme, deklaroi se Merxhan Çeliku, personi që u arrestua sot në Dubai, ishte menaxheri i call-centerave të Amant Josifit, ish-këshiltarit të Olta Xhaçkës.

Sipas Berishës , lëshohet urdhër për Merxhan Çelikun dhe jo për Amant Josifin, pasi ky i fundit është ortak me Olsi Ramën.  

“Sot në Dubai u arrestua një i quajtur Merxhan Çeliku. A e dini se çfarë ishte Merxhani? Merxhani ishte menaxheri i callcenterit të Amant Josifit. Dëgjoni tani drejtësinë e narkoshtetit, drejtësinë e Dumanit, të Edi Ramës në fakt. Lëshohet urdhër-arresti për vartësin e Amant Josifit dhe nuk lëshohet kurrë urdhër-arresti për Amant Josifin.

Dumani sikur hetuesinë ta kishte pronë të tij private, sikur ta kishte trashëgimi nga i ati, thotë se Josifin e kemi lënë ta hetojnë spanjollët.

Çfarë karakteri i shpërfyturuar ky njeri? Çfarë turpi njerëzor ky njeri?A mund të thuhet prokurori i një vendi që nuk hetoj njeriun që vodhi së paku 1.4 miliardë euro nga Tirana qytetarëve europianë?

A mund që ky, çfarë t’i thuash këtij, të arrestojë ndihmësin, të arrestojë Merxhanin, por të deklarojë se nuk do hetojë Josifin?Po a e dini pse? Vetëm e vetëm pse Josifi është ortak me Olsi Ramën.

Vetëm e vetëm se Josifi ka vjedhur së bashku me Edi Ramën.Shikoni miq pra ku jemi ne, në cilën situatë jemi ne.Prandaj kjo thirret Rruga e Shpresës.Ndaj 20 shkurti ishte dita e besimit.

Prandaj edhe sonte i bëjmë thirrje gjithë shqiptarëve, u bëj thirrje shqiptarëve në emigracion, përshëndes folësit këtu përfaqësues të emigracionit, të bashkohemi, të marrim fatin në duart tona me mosbindje civile.Në betejë pa kthim, të shembim regjimin e krimit, kalbësirën e bazuar në vjedhjen e shqiptarëve.E bazuar në mashtrimin e shqiptarëve.E bazuar në vendosjen e krimit në pushtet në çdo qelizë të administratës, në të gjitha degët e pushtetit”, tha Berisha./ CNA

 





Lajmet e fundit nga