web counter
LEXO PA REKLAMA!

SHKARKO APP

App Store
Google Play

E fundit!

x

Marrja në pyetje e Shullazit për atentatin në Rinas/ Hoxha: Ai është me moton e krimit: bëje mirë, bëje vetë

2026-01-12 16:52:00, Aktualitet CNA

Marrja në pyetje e Shullazit për atentatin në Rinas/ Hoxha: Ai

Gazetari Artan Hoxha ka folur ditën e sotme lidhur me marrjen në pyetje të Emiljano Shullazit nga Prokuroria e Tiranës për atentatin në Rinas, ku u ekzekutuan Gilmando Dani dhe Muçi Shaljani.

Hoxha tha në Euronews se atentati i Rinasit, është një nga ato ngjarje, autorët e të cilës nuk zbulohen kollaj. Ai shtoi më tej se Shullazi edhe po të dijë diçka nuk është nga ata persona që bashkëpunojnë lehtë më shtetin.

“Sigurisht që është një veprim që shkakton zhurmë nga ana e hetuesve për shkak të asaj çfarë përfaqëson Shullazi. Sigurisht që është njeriu që mbase e ka vuajtur më shumë vrasjen e Danit, ka humbur njeriun e vet më të afërt. Me aq sa kam mësuar, menjëherë pas ngjarjes dhe për disa javë ai ka qenë i veçuar atje brenda për shkak të humbjes që pësoi, fakti që deri tani nuk është bërë e mundur të shkohet te ekzekutorët dhe urdhëruesit. U gënjye opinioni me spin-doktorë që gjoja e gjetëm, i shkuan fshatarit që i gjetën disa armë dhe thanë se ka dalë makina aty dhe e mbyllën historinë, por në fakt është krejt e kundërta. Kjo nuk është nga ato ngjarje që zbulohen kollaj. Duhet autorët të bëjnë ndonjë gabim ose dikush nga ata të bëhet bashkëpunëtor, pasi ne kemi parë vetëm pjesën vizive, por nuk dimë çfarë ka ndodhur mbrapa.

Grupi i hetimit e ka parë të arsyeshme dhe të nevojshme ta pyesë Shullazin për këtë ngjarje, edhe pse ai ka një kohë të gjatë që qëndron në burg, madje dy vite ka qenë në regjimin 41-bis. Ai ka 10 vjet që është i arrestuar. Imagjino sa ka ndryshuar situata kriminale në Shqipëri në këto dhjetë vite, ku situata është përmbysur në disfavor të tij. Shpresa për balancimin e forcave në terren mund të ishte Gilmando Dani, por mesa duket lëvizjet e tij të shpeshta, qëndrimi i tij në Dubai dhe më pas në vende të Europës, vunë në alarm kundërshtarët dhe ata vendosën të eliminojnë një rrezik permanent që mund t’u shkaktonte probleme të mëdha. I dolën të keqes para, ia morën kohën dhe vepruan para se të vepronte Gilmando Dani. Sot ndodhemi përpara faktit që Shullazi ka 10 vjet në burg, informacion nuk ka mundur të marrë nga burgu, apo po tentojnë hetuesit që nëpërmjet tij të bëjnë atë që nuk e kanë bërë dot këto dhjetë vitet e fundit. Por Shullazi nuk është nga ata që bashkëpunojnë lehtë me shtetin. Patjetër që ai di diçka, por nuk është në stilin e tij, pasi është me moton e vjetër të botës së krimit: bëje mirë, bëje vetë”, tha Hoxha. /CNA





15:24 TODAY

Dosja

Jamarbër Malltezi ka dhënë një deklaratë për mediat pas da...

Lajmet e fundit nga