Bojkoti i pedagogëve/ Rama pranon problemet në arsimin e lartë

2022-10-18 09:53:00, Aktualitet CNA

Pedagogët prej disa ditësh kanë zhvilluar protesta, si dhe duke nisur nga dita e djeshme ata kanë bojkotuar mësimin dhe kanë bërë me dije se do të vijojnë të protestojnë derisa kërkesat e tyre të plotësohen.

Siç kishte njoftuar më herët kryeministri Edi Rama sot po zhvillon një takim me rektorët e universiteteve, ku po diskutojnë lidhur me problematikat e arsimit.

Rama cilëson se Ligji i Arsimit të Lartë ka bërë shumë punë, por në anën tjetër pranon realitetin duke cilësuar se rankimi i universiteteve shqiptare në hartën globale është i pajustifikueshëm.

Sipas tij universitetet duhet të përfitojnë më shumë nga fondet europiane.

"Informimi si rezultat i ligjit te arsimit te lartë, po sjell zhvillime positive në rritjen e mundësive për studentët. Për mua edhe këtu edhe në çdo drejtim tjetër, shqipëria është në të njëjtin raport. Dita me natë ku ishin, dita me natë ku jemi. Edhe procesi i financimit tregon se jemi në drejtimin e duhur, pavarësisht se duhet të ketë më shumë shfrytëzim i hapësirës së autonomisë, jo vetëm si hapësirë lirie, por edhe si hapësirë përgjegjesie. Çështja që shtrohet sot është se pavarësisht përparimit real, konkret pikërisht pse raporti ynë me të ardhmen është ende shumë i zhdrejtë, rënditja e universiteteve shqiptare në hartën globale, edhe për shkak të një kohe të gjatë të humbur para reformës, është e papranueshme, por lajmi i mirë sipas nesh, pas analizës së bërë dhe mbi çfarë rezulton nga impakti i reformës, është një renditje që nuk pasqyron kapacitetet, ky është lajm i mirë nuk pasqyron kapacitetet. E solla shembullin e askesit në reformën europiane, madje në ato projekte në të cilat universiteti i Tiranës, kemi disa projekte ku është lider universiteti i Tiranës është lider dhe është diçka që ndidh për herë të parë. Bahskëpunimi i universiteteve shqiptare me ato europiane, tregon se kapacitete i kemi shumë më të mira, krahasim me rankimet tona absurd shumë poshtë."- u shpreh Rama.