web counter
LEXO PA REKLAMA!

SHKARKO APP

App Store
Google Play

“Ata merren me shaqinj, ju flisni për digjitalizim”/ Korreshi debate me zyrtaren e “Territoriales”

2022-07-04 12:05:00, Aktualitet CNA
“Ata merren me shaqinj, ju flisni për digjitalizim”/ Korreshi
Korreshi

Është shoqëruar me debate dëgjesa me përfaqësues të shoqërisë civile për Reformën Territoriale.

Dy anëtarët e PD, Bledion Nallbani dhe Saimir Korreshi, janë përplasur me përfaqësueses së shoqërisë civile, Albana Dhimitri, Drejtore Ekzekutive në Institutin e Politikave Publike dhe Private duke i referuar edhe disa pyetje.

“Kam dy pyetje të drejtpërdrejta. Thatë që janë rritur të ardhurat e bashkive. Këtë e shikoni si efiçencë më të mirë të bashkive apo mos ndoshta është e lidhur me rritjen e taksave dhe tarifave vendore. E dyta, ju thoni mos merremi me fondin e pagave. Sot ka më shumë parazitë që konsumojnë paratë e taksapaguesve shqiptarë në njësitë e qeverisjes vendore. Ka sot shumë punonjës që e marrin pagën pa e ditur se çfarë pune kanë, pa shkuar asnjë ditë në punë”, tha Nallbati.

Ndërsa deputeti Saimir Korreshi shtroi në seancë disa problematika me të cilat po përballen bashkitë e vendit.

“Keni qenë ndonjëherë në terren për të parë? E dyta, a është normale që 14 komuna u shkrinë në 12 bashki ekzistuese? Nëse keni zbritur në terren, çfarë ofrohet në njësitë administrative? Nuk i referohem Tiranës, kemi hall ne që flemë andej poshtë. Tani i keni bërë digjitale ju, por ata të shkretët kanë disa vite që nuk kanë zbritur në Lushnje, jo të kenë digjitalizim. Se shalqinj mbjellin andej. Si ka mundësi që sot ka më shumë punonjës në administratë edhe pse i kemi digjitalizuar shërbimet? A e dini ju që janë mbyllur shkollat e Lushnjës që nga viti 2015 e këtej dhe që 5 klasat e fillores bëjnë mësim në një klasë me një mësuese. Ky ligji i bashkëqeverisjes e shton apo e heq këtë autonomi. Tani cilësia e shërbimit ku është? Është rritur cilësia e shërbimit në bashkitë e tjera? Keni bërë një raport? Fshatrat janë lënë djerrë.”/E.T-CNA.al

 





Lajmet e fundit nga