AKU kontrolle në Fier/ Bllokon mijëra kg produkte qumështi, gjobitet subjekti

2026-02-14 18:53:00, Aktualitet CNA

AKU kontrolle në Fier/ Bllokon mijëra kg produkte qumështi,

Autoriteti Kombëtar i Ushqimit ka ushtruar disa kontrolle në qarkun e Fierit. Në një reagim në rrjete sociale, në kuadër të këtyre kontrolleve janë bllokuar në një baxho mijëra kilogramë produkte qumështi.

Gjatë kontrollit zyrtar, trupa inspektuese e AKU-së, konstatoi se subjekti ushtronte aktivitetin në mungesë të sistemit të gjurmueshmërisë së produkteve ushqimore, nuk implementonte sistemin e vetëkontrollit (HACCP), si dhe tregtonte produkte pa etiketë.

Për shkeljet e konstatuara, ndaj subjektit është vendosur gjobë në vlerën e 250.000 lekëve, ndërsa produktet e pasigurta janë bllokuar me qëllim asgjësimin e tyre.

Postimi i plotë:

Autoriteti Kombëtar i Ushqimit (AKU) në vijim të transparencës dhe informimit të publikut dhe në zbatim të legjislacionit në fuqi, bën me dije se në kuadër të kontrolleve të ushtruara, Drejtoria e Përgjithshme e AKU-së, përmes Sektorit të Monitorimit dhe Hetimit Ushqimor, referuar indicios së ardhur, ka kryer kontroll zyrtar në një subjekt me aktivitet "Baxho/Përpunim qumështi" në qarkun e Fierit.

?Gjatë kontrollit zyrtar, trupa inspektuese konstatoi se subjekti ushtronte aktivitetin në mungesë të sistemit të gjurmueshmërisë së produkteve ushqimore, nuk implementonte sistemin e vetëkontrollit (HACCP), si dhe tregtonte produkte pa etiketë. Për këto shkelje, u vendos masa e bllokimit për një sasi produktesh të pasigurta, konkretisht:

• ?1400 (një mijë e katërqind) kg krem gjalpi;

• ?2415 (dy mijë e katërqind e pesëmbëdhjetë) kg moxarella;

• ?90 (nëntëdhjetë) kg gjalpë i freskët lope;

• ?100 (njëqind) kg gjizë;

• ?18 (tetëmbëdhjetë) kg moxarella (kova).

?Informojmë se për shkeljet e konstatuara, ndaj subjektit është marrë masa administrative “Gjobë” në vlerën e 250.000 (dyqind e pesëdhjetë mijë) lekë, ndërsa produktet e pasigurta janë bllokuar me destinacion asgjësimin e tyre.

?AKU garanton konsumatorët se do të vijojë kontrollet rigoroze në mbrojtje të shëndetit publik dhe inkurajon qytetarët që t'i drejtohen AKU-së në çdo rast që konstatojnë cenim të sigurisë ushqimore në emailin zyrtar [email protected], si dhe në numrin e gjelbër 08007575. /CNA