web counter
LEXO PA REKLAMA!

SHKARKO APP

App Store
Google Play

E fundit!

x

Zotohet Rama/ S’do ta pranoj kurrë Komisionin Hetimor për “McGonigal”

16 Shkurt 2023, 21:30, Aktualitet CNA

Zotohet Rama/ S’do ta pranoj kurrë Komisionin Hetimor për

Kryeministri Edi Rama është shprehur se nuk do të pranojë kurrë ngritjen e një Komisioni Hetimor parlamentar lidhur me çështjen McGonigal.

Në një intervistë për gazetarin Blendi Fevziu ai u justifikua duke thënë se ky është një abuzim që po bën opozita.

Më tej ai theksoi se nuk do të lejojë që  opozita ta përdorë kuvendin për ta kthyer në një hapësirë manipulimi dhe propagande ekstreme, pa asnjë bazë.

“Nuk do ta pranoj kurrë .Për çfarë ? Nuk jemi në pikën që unë pretendoj se ju merreni me trafik droge dhe unë hetoj. Kjo ndodhte në kohën e diktaturës, që unë ngre akuzën dhe pastaj kërkoheshin provat. Kjo nuk ka për të ndodhur, sepse ky është një abuzim ekstrem me çdo normë etike, me çdo normë të lirisë dhe të drejtave të njeriut, me çdo normë të bashkëjetesës institucionale. Ata kanë të drejtë që të besojnë që unë jam jo djali i Kristal Ramës, por djali i satanait. Këtë të drejtë ta mbajnë për vete dhe ata që ju besojnë t’i venë nga pas, por nuk kanë shans ta përdorin kuvendin për ta kthyer në një hapësirë manipulimi dhe propagande ekstreme, pa asnjë bazë”, deklaroi ai./CNA.al





Lajmet e fundit nga