web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Lushnjë/ Kryebashkiakja tregon se ku do të strehohen banorët e pallatit

26 Dhjetor 2023, 10:05, Aktualitet CNA
Zjarri në Lushnjë/ Kryebashkiakja tregon se ku do të strehohen
Eriselda Sefa

Kryetarja e Bashkisë së Lushnjës, Eriselda Sefa, deklaroi para mediave se bashkia ka bërë gati konviktet e shkollës mekanike për të strehuar banorët e pallatit që u përfshi nga flakët pasditen e së hënës në qytetin e Lushnjës.

“Kemi bërë gati konviktin e shkollës mekanike dhe në rast nevoje do të marrim objekte me qira. Aty janë 91 apartamente, por 20 familje janë rezidente. Të gjithë janë te të afërmit e tyre. Pasi të mbarojë ekspertiza, bashkia do të bëjë një vlerësim të japim një kompensim sipas ligjit”, tha kryebashkiakja.

Ajo u shpreh se gjendja e banorëve që shkuan në spital është e mirë dhe asnjëri prej tyre nuk rrezikon jetën. 

 “Personat e fundit janë larguar rreth orës 1. Ka qenë çifti i fundit që janë larguar dhe janë në gjendje të mirë shëndetësore”, deklaroi ajo./CNA 

Zjarri në Lushnjë:

Rreth 10 orë ka zgjatur “lufta” me flakët që përfshinë qendrën tregtare në Lushnjë. 

Për të marrë situatën nën kontroll u angazhuan Forcat RENEA, Forcat e Sigurisë Kombëtare, Njësitë Shqiponja, Forcat e Armatosura, shërbimet e Komisariatit të Policisë Lushnjë dhe zjarrfikësit e disa qyteteve.

Zjarri ra fillimisht në katin e dytë. Në momentin që situata u vu nën kontroll, flakët u riaktivizuan në katin e katërt dhe të fundit të qendrës tregtare, i cili u shkrumbua plotësisht.

Gjithashtu flakët u përhapën edhe në katin e tretë dhe në banesat që ndodheshin në katet e mësipërme të pallatit 12-katësh pranë qendrës tregtare./CNA 

 





Lajmet e fundit nga