web counter
LEXO PA REKLAMA!

SHKARKO APP

App Store
Google Play

E fundit!

x

SPAK mbyll hetimet për një nga fraksionet e inceneratorit të Tiranës

2 Korrik 2026, 11:35, Aktualitet CNA

Prokuroria e Posaçme ka mbyllur hetimet për një nga fraksionet e dosjes së inceneratorit të Tiranës.

SPAK-u ka dërguar për gjykim zyrtarët dhe bashkëpunëtorët e tyre, konkretisht 10 të pandehurit: Mirel Mërtiri, Klodian Zoto, Dashamir Ymeraj, Arjola Kodra, Denisa Tollkuçi, Elton Bualli, Endrit Habilaj, Renato Nallbani, Giuseppe Ciaffaglione dhe Marc Richard Lappat.

Ndaj tyre janë ngritur akuzat për “Pastrimi i produkteve të veprës penale ose veprimtarisë kriminale”, e kryer në bashkëpunim të veçantë në kuadër të grupit të strukturuar kriminal, “Mashtrimi me pasoja të rënda” dhe “Grupi i strukturuar kriminal, Kryerja e veprave penale nga organizata kriminale”.

Ndërkohë kujtojmë se dosja e inceneratorit të Tiranës ka një tjetër fraksion për zyrtarët e lartë të shtetit të përfshirë.

Njëri nga personat më të dyshuar për lidhje me njerëzit e inceneratorëve dhe përfitimet e tyre është Erion Veliaj, kryebashkiaku i arrestuar i Tiranës.

Inceneratori i Tiranës është sekuestruar nga SPAK-u në verën e vitit 2023, pasi rezultoi se kompania e cila fitoi koncesionin për ndërtimin e inceneratorit me vlerë 128 milionë euro, ka si pronarë biznesmenët Mirel Mërtiri e Klodian Zoto.

Të dy këta të fundit, të shpallur në kërkim ndërkombëtar pas dënimeve të marra për inceneratorin e Fierit dhe Elbasanit./CNA





Lajmet e fundit nga