web counter
LEXO PA REKLAMA!

SHKARKO APP

App Store
Google Play

Situata me zjarret në vend/ 3 vatra aktive, ja si paraqitet gjendja në terren

7 Gusht 2025, 14:59, Aktualitet CNA

Situata me zjarret në vend/ 3 vatra aktive, ja si paraqitet gjendja në

Gjatë orëve të fundit janë evidentuar 4 vatra zjarri, ndër të cilat vetëm një është shuar dhe 3 mbeten aktive.

Ministria e Mbrojtjes njofton se momentalisht janë këto vatra aktive:

- Në malin mbi fshatin Dhivër, Bashkia Finiq vazhdon zjarri në një sipërfaqe pyjore në lartësi, ku janë angazhuar 8 mjete zjarrfikëse dhe rreth 82 forca operacionale, të cilave mëngjesin e sotëm u janë bashkuar edhe 3 mjete zjarrfikëse dhe 13 efektive nga BMEC si dhe mbështetje nga ajri.

- Në zonën F të ish-Uzinës Mekanike Poliçan, ku në terren janë angazhuar shërbimet zjarrfikëse të MZSH të Bashkisë Poliçan, Berat dhe Skrapar, të ndihmuar nga 2 automjete zjarrfikëse të forcave ushtarake të FA-së. Zjarri aktualisht është tërësisht i neutralizuar.

- Në fshatin Lofkënd, Bashkia Mallakastër, ku në terren janë angazhuar 4 mjete zjarrfikëse dhe 30 forca operacionale, pa mundur ta izolojnë. Në ndihmë të forcave operacionale u nisën edhe 2 automjete zjarrfikëse të FA.

AKMC përsërit thirrjen ndaj banorëve, të tregohen të kujdesshëm, të shmangin ndezjen e zjarreve dhe të raportojnë në kohë vatrat./CNA





Lajmet e fundit nga