web counter
LEXO PA REKLAMA!

SHKARKO APP

App Store
Google Play

E fundit!

x

Pas “internimit" të Paganikës/ Emërohet drejtori i ri në krye të Policisë së Tiranës

16 Dhjetor 2022, 13:11, Aktualitet CNA

Pas “internimit" të Paganikës/ Emërohet drejtori i ri

Drejtori i Përgjithshëm i Policisë, Muhamet Rrumbullaku, ka nisur zyrtarizimin e emërimeve të reja.

Tonin Vocaj ka marrë sot zyrtarisht detyrën e Drejtorit të Policisë Tiranë, në vend të Lorenc Paganikës.

Më poshtë po sjellim lëvzijet që u bënë në polici, pak ditë më parë me bekimin e Muhamet Rrumbullakut.

Lorenc Paganika ka lëvizur nga Tirana, ku ka mbajtur postin e drejtorit të Drejtorisë Vendore, duke shkuar në kryer të Policisë së Fierit.

Tonin Vocaj është emëruar drejtor i Policisë së Tiranës, ndërsa zëvendësdrejtor i Përgjithshëm i Policisë është emëruar Sokol Bizhga.

Në krye të Policisë së Shkodrës, është emëruar Ervin Hodaj, i cili më herët ka mbajtur postin e Drejtorit të Policisë së Tiranës.

Nga ana tjetër, Niko Brahimaj është emëruar drejtor i Policisë së Fierit, ndërkohë më herët ka qenë pjesë e Policisë Shkencore.

Ermal Muça është larguar nga Korça, ku ka mbajtur postin e zëvendësdrejtorit të Policisë së Korçës, duke u transferuar në Vlorë, si drejtor i Policisë së Vlorës.

Një tjetër lëvizje është ajo e Hamdi Fjorës, i cili më parë ka qenë drejtor i Policisë së Shkodrës. Fjora ka zëvendësuar Sokol Bizhgën, duke u vendosur në krye të Operacionales.

Lutfi Minxhozi është emëruar drejtor për Marrëdhëniet Ndërkombëtare, ndërsa Gent Ndoj emërohet drejtor i Krimit Ekonomik në Drejtorinë e Përgjithshme./CNA.al





Lajmet e fundit nga