E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Nata finale e Festës së Birrës në Korçë/ Mijëra vizitorë vendas dhe të huaj shijuan atmosferën festive

18 Gusht 2024, 22:55, Aktualitet CNA

Nata finale e Festës së Birrës në Korçë/

Nata e pestë dhe e fundit e Festës së Birrës ndezi qytetin e Kroçës këtë të dielë, ku mijëra qytetarë korçarë, vizitorë nga qytete të ndryshme të Shqipërisë dhe të huaj kanë shijuar atmosferën fantastike me muzikën live dhe me ushqimet tradicionale

Jo vetëm qytetarët korçarë, por edhe ata të cilët kanë shkuar në qytetin juglindor posaçërisht për festën e birrës, shprehen për CAN-në tepër entuziastë dhe të kënaqur. Ata tregojnë eksperiencën e tyre, ndërsa një pjesë e mirë prej tyre e kanë kthyer festën e birrës në eventin e tyre të preferuar, duke mos munguar asnjë vit.

Një qytetar I ardhur nga Kavaja shprehet se ndihet me fat që ishin pjesë e kësaj feste

“Është era e parë që vij në Korçë. Qëlluam rastësisht, por ishim me fat që erdhëm. Atmosfera është shumë e mirë.”

Nata finale e Festës së Birrës në Korçë/

Një tjetër qytetar i ardhur nga Vlora shprehet se tashmë do ta kthejë në traditë ardhjen në festën e Birrës në Korçë edhe pse këtë vit ndodheshin rastësisht.

“Jam nga Vlora. Erdha për qejf në Korçë. Kisha prenotuar dhe rastisi edhe Festa e Birrës. Jam me familjen dhe po kaloj shumë mire. Shpresoj që vitin tjetër të vij sërish.”

Nuk mund të mungonin në këtë evet madhështorë të zotët e shtëpisë, duke qenë prezent çdo natë në këtë festë.

Nata finale e Festës së Birrës në Korçë/

“Jemi nga Korça dhe kemi ardhur çdo natë, të pesta netët Jemi të lumtur, sepse para dy vitesh nuk na pranuan, këtë vit jemi kënaqur. Më mirë pa bileta. Organizimi është shumë i mire”

Nata finale e Festës së Birrës në Korçë/

Eventi madhështor përmbylli edicionin e tij të 18, ndërsa çdo vit e më shumë po tërheq vizitorë nga anembanë Shqipërisë, si dhe turistët e huaj.

Për 5 netë me radhë, Korça dhuroi një atmosferë magjike, ndërsa skenën e ndezën këngëtarja Gerta Mahmutaj, grupi i njohur NRG Band si dhe Three Dots. /CNA