web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi: Bashkia Tiranë “gllabëron” çdo ditë 1 milion euro

18 Gusht 2024, 12:04, Aktualitet CNA
Denoncimi: Bashkia Tiranë “gllabëron” çdo ditë
Bashkinë Tiranë

Këshilltari për Çështjet Ekonomike në PD dhe njëkohësisht Nënkryetar i Këshillit Bashkiak Tiranë, Dorjan Teliti, ka bërë këtë të diel një denoncim të fortë për Bashkinë Tiranë.

Ai ka denoncuar shpërdorimin, abuzimin dhe "gllabërimin" që po i bëhet buxhetit të kryeqytetit.

Teliti ka theksuar se "shefat në bashki" po "gllabërojnë" çdo ditë 1 milionë euro.

"Sa herë shikoni një lulishte apo një hapësirë publike që zhduket dhe betonizohet, mendoni për "ata" që e kanë vendosur të zhduket ajo lulishjte, mendoni për mikun oligark që po hedh betonin për kullën e rradhës (e jo për themelet e ndonjë kopshti apo cerdheje aq të domosdoshme për Kryeqytetin).

Sa herë gdhiheni dhe hapni dritaret për ajrosje por thithni "ajrin helmues" 18 herë më të ndotur se normat e OBSH-së, mendoni për shkaktarët dhe shefin e tyre.

Sa herë që hapni qepenin ndërkohë që taksat, taksidarët dhe borxhet po ju marrin frymën, mendoni se kush jua rriti taksat dhe tarifat lokale në Tiranë nga 2 deri në 10 herë më shumë që prej 8 vitesh.

Sa herë që punon tokën i vetëm, i braktisur dhe pa asnjë mbështetje nga bashkia, mendo për ato "premtimet e bukura" që tu bënë në 2023 thjesht p?r të të marrë votën.

 Por mbi të gjitha, asnjëherë mos harro se ndërkohë që ti dhe Tirana vuan, ata "shefat në bashki" cdo ditë keqpërdorin, gllabërojnë e abuzojnë me 1 milionë euro taksa e tarifa vendore (lekët e taksapaguesve të Tiranës) me tendera e kontrata pa garë, për koncerte e aktivitete qindra milionëshe, për të paguar me rrogat e 12.100 punonjësve ku shumica janë thjesht patronazhistë.

Tirana do ishte e pastër, e begatë, me infrastrukturë adeguate, me sipërmarrje të fortë, me fermerë të shumtë e toka të mbjella, etj. Tirana nuk do ishte qyteti me cilësinë më të ulët për të jetuar në Ballkan dhe Europë nëse paratë që paguajmë me taksa e tarifa vendore do i riktheheshin Tiranës me investime dhe shërbime cilësore.

Tirana nuk meriton këtë trajtim makabër, Tirana meriton më shumë”, shkruan ai në rrjetet sociale.

Në mbyllje të reagimit të tij, Teliti u bën thirrje qytetarëve të reagojnë sa pa qenë tepër vonë./ CNA





Lajmet e fundit nga