web counter
LEXO PA REKLAMA!

SHKARKO APP

App Store
Google Play

E fundit!

x

Do blejë vilë në Palasë?/ Si përgjigjet Giorgia Meloni

18 Gusht 2024, 14:55, Aktualitet CNA
Do blejë vilë në Palasë?/ Si përgjigjet Giorgia Meloni
Kryeministrja italiane, Giorgia Meloni

“Nuk është absolutisht e vërtetë”. Kështu shprehet kryeministrja italiane, Giorgia Meloni, lidhur me lajmet e përhapura se ajo po bëhej gati të blinte një vilë në Palasë.

Ky është reagimi i parë i kryeministres, e cila ka përgënjeshtruar lajmin. Këtë e ka bërë të ditur gazeta e njohur italiane, Corriere della Sera.

Sipas gazetës, Meloni është shprehur e tronditur nga lajmi i rremë dhe lehtësia me të cilin u përhap ai.

“Si mund të jepen si lajm gjërat që nuk i kam menduar asnjëherë,” theksoi Meloni.

Ishte gazeta “Il Foglio”, publikoi një artikull disa ditë më pare, ku raportonte se italiane po blinte një vilë me pishinë në bregdetin e Palasës.

Sipas gazetës, e cila i referohej burimeve politike dhe diplomatike nga Tirana, investimi i Melonit do të vuloste edhe më shumë marrëdhënien e saj të mirë me kryeministrin Edi Rama.

Lajmi, i cili për ditë me radhë bëri xhiron e rrjetit, pati edhe një lidhje me ndërtimin e Qendrave të Emigrantëve në Shqipëri, marrëveshja aq shumë e përfolur prej shumë kohësh, aludimet ishin se kjo blerje nga Meloni e një vile në Shqipëri do të ishte një lloj favori.

Por sipas “Corriere della Sera” të gjitha këto janë të pavërteta dhe pjesë e një fushate shpifje mbi kryeministren italiane./ CNA





Lajmet e fundit nga