web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet dega Ekonomiks në Korçë/ Ulet numri i studentëve, Informatika e preferuar

7 Tetor 2024, 14:34, Aktualitet CNA

Në këtë fillim viti akademik, Universiteti i Korçës po përballet me një ulje të numrit të regjistrimeve në disa nga degët e këtij universiteti.

Sipas rektorit Lorenc Ekonomi, vihet re një shpërndarje e re e studentëve të cilët janë regjistruar në programe, ndërsa kuotat janë thuajse të njëjtat me vitin e kaluar.

Mbyllet dega Ekonomiks në Korçë/ Ulet numri i studentëve,

Deri më tani në këtë universitet janë regjistruar në vit të parë 487 studentë dhe vendin e parë në degët e preferuara e zë Inxhinieri Informatika, si degë e dyfishtë me Universitetin Politeknik të Tiranës.

“Deri ditën e pardjeshme janë regjistruar 487 studentë në vit të parë. Jemi pothuajse në kuotat e vjetshme, ka një shpërndarje të re. Janë preferuar më shumë degët e informatikës, aty është edhe ndryshimi. Vend të parë në degët e preferuara zë dega e Inxhinieri Informatikës, që u hap këtë vit si degë e dyfishtë me Universitetin Politeknik dhe u regjistruan menjëherë 100% të kuotave. Më pas vijnë Infermieria, Mamia, Financa, Sportet, por në të gjitha degët ka regjistrime.”

Mbyllet dega Ekonomiks në Korçë/ Ulet numri i studentëve,

Programet që lidhen me një master të mësimdhënies, konkretisht Matematika dhe Frëngjishtja, kanë një shifër të ulët të regjistrimeve. Dega e Ekonomiks do të jetë momentalisht e vetmja që do të mbyllet pasi ka disa vite që ka zero regjistrime, ndërsa në degët e tjera me më pak regjistrime do të jetë senati akademik që do të marrë një vendim.

“Më pak studentë kanë programet që lidhen me një master të mësimdhënies. Matematikat janë në shifra të ulëta, një pakicë te Frëngjishtja. Dega e Ekonomiks është e sigurt që mbyllet sepse sipas ligjit kur disa vite ka zero regjistrime, i takon senatit akademik të marrë vendim. Nesër do të mblidhet senati. Ka programe që janë me nga pak studentë, për këto do të merret një vendim se si do të veprohet me to.

Mbyllet dega Ekonomiks në Korçë/ Ulet numri i studentëve,

Unë në parim nuk jam për t’i mbyllur, por pedagogët do të marrin përsipër të japin mësim për këto degë jashtë ngarkesës së tyre, sepse studentët që janë regjistruar aty kanë të drejtën për t’u shkolluar. Në shifra vihet re se në programet prioritare kanë ulje këtë vit për shkak të uljes së kuotave.”

Prej ditës së nesërme, senati akademik i Universitetit Fan Noli do të mblidhet për të marrë vendime lidhur me degët që kanë pak studentë të regjistruar dhe që rrezikojnë mbylljen./ CNA





Lajmet e fundit nga