web counter
LEXO PA REKLAMA!

SHKARKO APP

App Store
Google Play

Mblidhet sërish Këshilli Kombëtar i PD-së/ Priten emra të rinj dhe lëvizje të forta në strukturat drejtuese

11 Korrik 2026, 13:26, Aktualitet CNA

Mblidhet sërish Këshilli Kombëtar i PD-së/ Priten emra

Partia Demokratike do të mbledhë javën e ardhshme Këshillin Kombëtar, ku do të zgjidhen nënkryetarët dhe sekretarët e partisë.

Sipas informacioneve, në strukturat drejtuese të PD-së pritet të ketë lëvizje të forta dhe emra të rinj. Lajmin për mbledhjen e Këshillit të ri Kombëtar të PD-së e bëri të ditur vetë kryedemokrati Sali Berisha.

Ky i fundit gjatë bashkëbisedimit me qytetarët në rrjetet sociale bëri me dije se në mbledhjet e radhës të Këshillit do të nisin përgatitjet për zgjedhjet lokale.

“Gjysmën e dytë të javës që vjen, ishte planifikuar gjysmën e parë, por unë duhet të udhëtoj drejt Brukselit dhe prandaj është caktuar për gjysmën e dytë. Shumë shpejt do të nisë edhe përgatitja për zgjedhjet lokale”, u shpreh Berisha.

Këshilli Kombëtar i PD-së do të ketë rol kyç në formimin e Kryesisë së re të PD-së, e cila do të ndikojë në strategjinë opozitare dhe përgatitjet për proceset e ardhshme zgjedhore.

Ndërkohë, kujtojmë se më 2 korrik Partia Demokratike ka zgjedhur edhe 20 anëtarët e Kryesisë, 14 prej të cilëve janë zgjedhur për herë të parë. Nga kandidatet gra, Ilda Zhulali ka rezultuar më e votuara, me 211 vota. Më pas vjen Eda Grimçi me 177 vota, Edith Harxhi me 151 vota, Mimoza Hajdarmataj me 132 vota, Lili Sulaj me 124 vota dhe Floriana Garo me 114 vota.

Ndërkohë nga kandidatët burra më të votuar, listën e kryeson Grigels Muçollari me 170 vota. Pas tij vjen Ervin Minarolli me 167 vota, Fisnik Qosja me 158 vota, Gjin Gjoni me 150 vota, Dorian Teliti me 132 vota, Atird Hoxha me 124 vota, Ilir Alimehmeti me 122 vota dhe Keltis Kruja me 115 vota. /CNA





10:06 Aktualitet

Rilindja Urbane 2.0

Ish-deputeti i PD-së, Edmond Spaho, në një postim në rrjet...

Lajmet e fundit nga