web counter
LEXO PA REKLAMA!

SHKARKO APP

App Store
Google Play

E fundit!

x

Lala: Ndërtimet pa leje në gjithë Shqipërinë janë një masakër urbane

10 Korrik 2025, 22:19, Aktualitet CNA

Lala: Ndërtimet pa leje në gjithë Shqipërinë janë

Gazetarja Klodiana Lala komentoi sot lidhur me aksionin për prishjen e ndërtimeve pa leje në Theth.

E ftuar në një emision televiziv, Lala tha se në gjithë Shqipërinë ndërtimet pa leje janë një masakër urbane.

Lala ngriti pikëpyetje lidhur me dijeninë që mund të kenë pasur institucionet policore.

“Kryeministri i vendit ka dalë në terren pas 12 viteve në pushtet dhe ka zbritur me këmbë në tokë për të kuptuar se jo vetëm Thethi, por gjithë Shqipëria është një masakër në ndërtimet pa leje.

Thethi është një park i mbrojtur ku nuk duhej lejuar që të ndërtohet, një masakër urbane që po ndodh në të gjithë Shqipërinë.

Lëndina te kisha është blerë nga një kriminel, Prekë Kodra, i shpallur në kërkim nga SPAK, i dyshuar se mund të kryente një atentat ndaj kryeministrit të Kosovës, Albin Kurti. Zonja pensioniste që kishte pronën pretendonte se i kishte ndërtuar vetë këto vileta, por ai pretendim nuk qëndron, sepse një viletë kushton 35-40 mijë euro dhe nuk e di se si i bërë këto duke shitur 300 krerë bagëti, sepse nga informacionet që kam zonja nuk ka marrë as paratë.

Kryetari i bashkisë Benet Beci shkonte te pronat e këtij krimineli, sepse i duheshin votat, i fotografonte, i nxirrte në facebook se sikur Thethi po zhvillohej, kur në fakt po shkatërrohej.  

Patjetër aty ka të dëmtuar, banorë që kanë investuar gjithë jetën e tyre për të ngritur një shtëpi druri.

Nëse shkojmë te e drejta zakonore, nuk mund të bëhet një kriminel mikpritës. Banorët duhet të ndërgjegjësohen se nuk mund të ndërtohet në këtë mënyrë, por me rregulla dhe me ligje. Por maxhorancës që i duheshin votat, i lejuan që të bënin këtë barbari. Z. Rama krijoi një tension artificial mes qeverisë dhe prokurorisë së Shkodrës, pro prokurorja Elsa Gjeli nuk ka asnjë shkelje. Ajo ka marrë një referim nga policia dhe ka bërë të gjitha shkresat. IMT-ja ka thënë se nuk ka beton aty.

I prishi se ka një paketë për malet aty dhe Rama dhe IMT ka gënjyer dhe ka mbyllur sytë, duke i çuar prokurores një shkresë se nuk ka beton dhe ky është krim shtetëror.

Si ka mundësi që drejtori i Përgjithshëm i Policisë, Ilir Proda nuk ka patur dijeni? A ka përgjegjësi minimalisht morale, s’po them juridike që nuk ka kontrolluar ndërtimet në atë zonë që është shumë e dukshme? Ka patur kërcënime ndaj personave që e kanë denoncuar”,-tha Lala./CNA





Lajmet e fundit nga