web counter
LEXO PA REKLAMA!

SHKARKO APP

App Store
Google Play

"Këtej koordinoni fonde të BE-së, këtej themeloni parti"/ Debat mes Balliut dhe Muçit në Kuvend

30 Qershor 2026, 13:21, Aktualitet CNA

"Këtej koordinoni fonde të BE-së, këtej themeloni

Në Kuvend janë zhvilluar debate mes deputetit të PD-së, Klevis Balliu dhe deputetit të Lëvizjes Bashkë, Redi Muçi.

Balliu u shpreh se bashkëshortja e njërit prej kryetarëve të partive koordinon fondet IPA-s, për të cilat, sipas tij, është arrestuar ish-ministri Ilir Beqja.

Ndërsa deputeti demokrat nuk përmendi një emër konkret, Muçi tha se referenca ishte për gruan e kreut të Lëvizjes Bashkë, Arlind Qorit.

Sipas tij, nëse dikush menaxhon fonde të BE-së, “duhet ta kesh për nder dhe jo të na japësh mend çfarë bën gruaja e tjetrit”.

Balliu replikoi sërish duke thënë se çështjen e kryetarit e nxori vetë ai, sepse "ia di muhabetet".

Replikat:

Balliu: Nëse do të donit të ishit seriozë mund të donit të flisnin për bashkëshortët e kryetarit të këtyre partive, njërit prej tyre, që këtej koordinon fondet IPA, për të cilat Beqja është në burg, i koordinonte kjo miliona euro. Këtej i mbani dhe i promovoni nëpër shoqata dhe na themeloni edhe parti.

Muçi: Përmendi gruan e kryetarit të partisë sime. Zotëria në fjalë, Balliu, e nisi fjalën e vet duke akuzuar kolegët e vet që po merren me biografinë dhe përfundoi duke u marrë me gruan e Arlind Qorit. S’dua të merrem me Balliun, as kush është, as kush ka qenë babai i tij, unë s’merrem me biografinë e askujt. Nëse dikush ka një profesion dhe menaxhon fonde të BE-së, duhet ta kesh për nder dhe jo të na japësh mend çfarë bën gruaja e tjetrit. Ky Kuvend në këtë nivel do të marrë fund sepse shumë shpejt do të mbahen zgjedhjet e parakohshme dhe do të hyjnë njerëz që e meritojnë.

Balliu: Mos u tallni me qytetarët sikur na vini këtu e na bëni sikur ju ka prerë barku për qytetarët. Merru ti me çështjet që merremi ne. Unë nuk merrem në planin personal, e nxore ti kryetarin tënd, s’e nxora unë. Se ia di ti muhabetet atij, s’është çështja ime. /CNA





Lajmet e fundit nga