web counter
LEXO PA REKLAMA!

SHKARKO APP

App Store
Google Play

Padia për shpifje/ Këlliçi, jashtë GJKKO-së: Kam trajtuar vetëm grabitjen e një trualli nga Bollino në mes të Tiranës

30 Qershor 2026, 13:04, Aktualitet CNA

Deputeti i PD-së, Belind Këlliçi, ka folur për mediat jashtë GJKKO-së ku u mbajt seanca për padinë për shpifje nga botuesi Carlo Bollino.

Këlliçi u shpreh se e vetmja çështje për të cilën ai ka folur është grabitja e truallit ku ishte planifikuar të ndërtohej një shkollë, por që u ndërtua televizioni i Bollino-s dhe se nuk ka asgjë personale me të.

Ndër të tjera, sqaroi se do të marrë pjesë në çdo seancë gjyqësore, ndërsa bëri me dije se ai dhe Jamarbër Malltezi kanë kërkuar përjashtimin e gjyqtares Irena Gjoka.

“Ne me qetësi këtu do të jemi. Unë e kam pritur me shumë kënaqësi këtë moment. Momenti që drejton zoti Bollino nuk ka lënë shpifje pa adresuar ndaj meje. Nuk e kam trajtuar në asnjë moment këtë çështje si personale. Kam folur për një interes publik. Grabitjen e një trualli në mes të Tiranës.

Aty ku ishte destinuar ndërtimi i një shkolle, në atë truall u ndërtua një televizion që mban rekord për sharjen, linçimin dhe shpifjen kundrejt çdo opozitari që denoncon krimin dhe korrupsionin. Do të jem në çdo seancë. Nuk jam shmangur në asnjë seancë.

Bollino me këto marifete kishte ngatërruar qëllimisht adresën e banimit që mua të mos më vinte njoftimi. Unë këtu do të jem, siç kam fituar 11 procese gjyqësore në këtë gjykatë. Dhe jam i bindur se do të shpallem i pafajshëm edhe në këtë proces. Kemi kërkuar përjashtrimin e gjyqtares Irena Gjoka, për shkak të konfliktit të interesit dhe paanshmërisë. Do t’ua lëmë javëve në vijim si do të shkojë procesi”, tha Këlliçi. /CNA





Lajmet e fundit nga