web counter
LEXO PA REKLAMA!

SHKARKO APP

App Store
Google Play

E fundit!

x

I riu ndërroi jetë në spital/ Berisha akuza policisë, thirrja për Avokatin e Popullit dhe Komitetin e Antitorturës

21 Maj 2023, 12:16, Aktualitet CNA
I riu ndërroi jetë në spital/ Berisha akuza policisë,
Ish-kryeministri, Sali Berisha

Ish-kryeministri, Sali Berisha, ka reaguar në lidhje me ngjarjen e një dite më parë, ku i riu Jani Rustemi ndërroi jetë pas qëndrimit për një kohë të gjatë në koma.

Përmes një postimi në rrjetet sociale, Berisha ka hedhur akuza mbi policinë, duke e cilësuar si një krim horror shtetëror.

Kreu i demokratëve shkruan se i riu ndërroi jetë për shkak të dhunës së ushtruar nga ana e policisë.

Berisha i ka bërë thirrje Avokatit të Popullit të hetojë me përparësi dhe ka denoncuar publikisht duke e quajtur akt kriminal të policisë.

Gjithashtu thirrje i ka bërë edhe Komitetit të Antitorturës të Këshillit të Europës të ndërmarrë hetime për vrasjen me tortura të Jani Rustemit dhe shumë të rinjve të tjerë nga policët në burgje.

“Një krim tjetër horror shtetëror!

I riu, Jani Rustemi i ndaluar nga policia, u dërgua në gjendje kome pas keqtrajtimit shtazarak nga kriminelët me uniformë dhe vdiq dje në QSUT.

Ai mbahej në paraburgim me akuzën se kishte kishte marrë pa leje një qilim. Familjarët deshmojnë se në paraburgim ndaj Janit është ushtruar dhunë e egër nga banditë me uniformë.

Kjo është vrasja shtetërore e radhës nga kriminelë me uniformën e një qytetari të ndaluar nga policia.

I shpreh ngushëllimet e mia familjes së të ndjerit dhe dënoj me ashpërsinë më të madhe si vrasje të mirëfilltë shtetërore të Jani Rustemit.

I bëj thirrje Avokatit të Popullit të hetojë me përparësi dhe denoncoj publikisht këtë akt kriminal të banditëve me uniformë. I bëj thirrje Komitetit të Antitorturës të Këshillit të Europës të ndërmarrë hetime për vrasjen me tortura të Jani Rustemit dhe shumë të rinjve të tje nga xhelatë me uniformë në burgjet dhe paraburgimet e narkoshtetit të Shqipërisë. Sb”, shkruan Berisha në rrjetet sociale./CNA.al  





Lajmet e fundit nga